पोखरामा पुस २७ देखि राष्ट्रिय औद्योगिक व्यापार मेला

कास्की । सफल राष्ट्रिय औद्योगिक व्यापार तथा दोस्रो मोबाइल मेला यही पुस २७ देखि माघ ८ गतेसम्म पोखरा प्रदर्शनी केन्द्रमा हुने भएको छ । पोखरा उद्योग वाणिज्य संघको आयोजना तथा लक्ष्मी समूहको मुख्य प्रायोजनमा सो मेला सम्पन्न हुने पोखरा उद्योग बाणिज्य संघका अध्यक्ष विश्वशंकर पालिखेले शुक्रवार पोखरामा आयोजनागरिएको पत्रकार सम्मेलानमा जानकारी दिएका छन्।
पालिखेले मेलाको लागि लक्ष्मी ग्रुप्रले पाँच वर्ष सम्मको लागी टाईटल स्पोन्सर गरेको बताए। ‘प्रतिष्ठित औद्योगिक घराना लक्ष्मी गुप्रले पहिलो पटक मोवाईको मुख्य प्रायोेजन गरेकोछ’ उनले भने। ‘ब्यवसायीक घरनाको साथ र सहयोगले हामीलाई थप सहयोग मिलेको छ।’
महोत्सवमा २ सय ८० स्टल रहने अध्यक्ष पालिखेले जानकारी दिए । मेलामा डोमभित्र ७८, रेष्टुरेष्ट १२, अटो ४५, मेड इन नेपाल पेभेलियनमा १०, पोखराका उत्पादन,पर्यटन, कृषि तथा हस्तकलामा ४०, फ्लोरिकल्चरमा ८ र बाँकी साधारण स्टल रहने छन् । मेलाको आकर्षणको रुपमा औद्योगिक तथा व्यापारिक मेला, हस्तकला कृषि, पुष्प, अटो मेला रहेको छ । यसैगरि मेलामा यसपटक दोस्रो मोवाईल मेला समेत हुने भएको छ । मोवाईल मेलामा विभिन्न कम्पनीका १२ देखी १५ वटा व्राण्डहरुका मोवाईल प्रदर्शनीमा राखिने छ ।
त्यस्तै गरि सूचना तथा प्रविधिहरुको प्रदर्शनी, विभिन्न सरकारी तथा गैह्र सरकारी संघ संस्थाहरुको गतिविधीहरुको प्रदर्शनी लगायत दैनिक उपभोग्य वस्तु घरायसी सरसामान, लत्ताकपडा, श्रृंगारका सामानहरुको विक्री वितरण रहने छन् ।
त्यस्तै लोकदोहोरी प्रतियोगिता, नेपालका ख्याति प्राप्त व्याण्डहरुको सांगितिक कार्यक्रम, लोकनृत्य प्रतियोगिता, रत्यौली प्रतियोगिता, चमेनागृह, बालउद्यान तथा साथमा स्थापित हाँस्य कलाकारहरुद्वारा मनोरञ्जनात्मक कार्यक्रमहरु मेलामा समावेश गरिएका छन् ।
मोवाइल तथा इलेक्टोनिक्स सामानहरुको बृहत प्रदर्शनी , पोखरा इञ्जिनियरिङ कलेजका विद्यार्थीहरुले मेलामा प्रदर्शन गर्ने रोबोटिक हन्ड्रेड हाउस (भूत घर) पनि मेलाको थप आकर्षणकारुपमा रहने संघका महासचिव दामु अधिकारीले जानकारी दिए । मेलामा २ लाख दर्शकले अवलोकन गर्ने अपेक्षा आयोजकको छ ।
महत्सवबाट ९० लाख आम्दानी हुने र ६० लाख खर्च हुने अनुमान आयोजकले गरेको छ। आम्दानी र खर्चकटाएर करिव ३० लाख रुपैयाँ बचत हुने अनुमान गरिएको अध्यक्ष पालिखेले बताए। संघले मेलाबाट वचत रकम सामाजिक कार्य र अत्याधुनिक डोम निर्माणका लागी खर्च गर्ने जनाएको छ। करिव २ करोडको लागतमा डोम निर्माण गर्ने लक्ष्य समेत राखिएको छ । संघको आन्तरीक स्रोत र दाताहरुको सहयोगमा डोम निर्माण गर्ने योजना रहेको अध्यक्ष पालिखेले बताए। मेलामा ८५ प्रतिशत स्टल वुकिङ भईसकेको जानकारी आयोजकले जनाएको छ।
मेला सम्पन्न गर्न संघका अध्यक्ष विश्वशंकर पलिखेको संयोजकत्वमा मूल समिति र २७ उपसमिति गठन गरिएको छ ।