पोखराका सवै हार्डवेयर पसल बन्द गर्ने, कम्पनीद्धारा गरिएको मुल्य बृद्धी फिर्तालिन आग्रह

कास्की ।भौतिक निर्माण तथा पूर्वाधार बिकासले तिव्रता पाउन थाालेपछि छड र सिमेन्ट कम्पनीहरुले आफुखुशी मुल्यबृद्धी गरेको भन्दै पोखराका हार्डवयर ब्यवसायीहरुले बुधवार आफ्ना सवै ब्यवसाय बन्द गर्ने भएका छन्।
हिउँदको मौसम र निर्माणको अनुकुल सिजनको सुरुवात भएसंगै पूर्वाधार निर्माणको कामले तिव्रता पाउन थालेपछि सिमेन्ट र छड कम्पनीहरुले आफुखुशी मुल्य वृद्धि गरेको भन्दै हार्डवयेर व्यवसायीहरु आन्दोलीत भएका हुन्।
पोखरा हार्डवयेर एशोसियसनले प्रमुख जिल्ला अधिकारी तारानाथ अधिकारीलाई ज्ञापन पत्र वुझाउँदै विरोध स्वरुप बुधवारकोलागि एक दिन पोखराका सम्पूर्ण हार्डवयेर ब्यवसाय बन्द गर्ने निर्णय गरेको एशोसिएसनका अध्यक्ष राजेश कुमार गुप्ताले बताए। ‘निर्माण सामाग्री सिमेन्ट, छड लगायतको माग अधिक हुने मौका छोपेर उद्योगीले बद्नियतपूर्ण तरिकाले मूल्यवृद्धि गरेका छन्’उनले भने। ‘यसमा हाम्रो आपत्ती छ, आफुखुशी उद्योगले मुल्य बृद्धी गरेका सामाग्रीहरुको विक्रि वन्द गछौ।’
अध्यक्ष गुप्ताले उद्योगीहरुले अनावस्यकरुपमा किर्तीम अभाव सृजना गरी मुल्य वृद्धी गर्दापनि सरकारी संयन्त्रहरुले मौनता साँधेर बसेको भन्दै गैरकानुनी कार्य गर्ने उद्योगीलाई कार्रवाहीको दायरामा ल्याउन सरकार संग माग गरे। ‘एकाएम उद्योगीहरुले मनलाग्दो गरी मुल्य वृद्धि गरेपछि कास्कीमा रहेका दुई सय २० हाडवेयर व्यवसायी आन्दोलित भएका छौं’उनले भने । ‘अस्वभाकि मूल्यबृद्धीले आफ्ना व्यवसाय वन्द गर्ने अवस्थामा पुगेका छौं’
ब्यवसायीहरुको तर्फबाट प्रमुख जिल्ला अधिकारी तारानाथ अधिकारीलाई ज्ञापन पत्र बुझाएपछि आयोजित भेलाले वुधवार एक दिन पोखराका सवै हार्डवयर व्यवसायहरु सांकेतिक रुपमा वन्द गर्ने र मुल्य वृद्धि फिर्ता नलिए त्यस्ता समाग्रीहरुको विक्रि वितरण नै बन्द गर्ने निर्णय गरेकोछ ।
व्यवसायी माथीनै उद्योगहरुले थेग्ने नसक्नेगरी सामानको मुल्य वढाएको कारण ब्यवसायी बाध्य भएर ब्यवसाय नै बन्द गर्नुपरेको एशोसियसनका महासचिव पृथ्वीराज तिमिल्सेनाले वताए । ‘कम्मनीको रवैया देख्दा हामी वाक्क भएका छौं’ उनलेभने।‘उद्योगको मनमर्जीले हाम्रो ब्यवसाय नै चौपट भयो।’
करिब दुई हप्ता अघिबाट सिमेन्ट र छड कम्पनीहरुले आधार र कारण बिनानै पीपीसी सिमेन्टमा प्रति ५० किलोग्रामको बोरामा १ सय रुपैयाँ, ओपीसी सिमेन्टमा एक सय २० रुपैयाँ र फलामे छडमा प्रति किलोग्राम १३ रुपैयाँ मूल्यवृद्धि गर्दा आफुहरु व्यवसाय वन्द गर्नु पर्ने अवस्थामा पुगेको तिमिल्सीनाले बताए।
उत्पादक कम्पनीहरु सँग पटक पटक अनुरोध गर्दा पनि सुनुवाई नभए पछि बिना कारण गरिएको मूल्यवृद्धिले प्रत्यक्ष असर उपभोक्ता र हाडवेयर व्यवसायीमा परेपछि आफुखुशी मुल्य बृद्धीगरिएका उत्पादनहरुको बिक्रि वितरण नगर्न सम्पूर्ण ब्यवसायीलाई भेलाले अनुरोध समेत गरेको छ
मुलुकमा लोडसेडिङको समस्या नभएको, डलरको भाउ स्थिर रहेको, क्लिंकरको भाउ समेत नबढेको र स्वदेशमै प्रशस्त मात्रामा क्लिंकर मौज्दात रहेको अवस्थामा कम्पनीहरुद्धारा एकाएक विनाकारण गरेको मुल्य बृद्धीलाई हेरेर नबस्न ब्यवसायीको भेलाले सरकारलाई आग्रह समेत गरेको छ।