४ नम्बर प्रदेश प्रमुख बाबुराम कुवँर को हुन् ?

पोखरा, माघ ३ । सरकारले प्रदेश नम्बर ४ को प्रमुख बाबुराम कुवँरलाई बुधबार नियुक्त गरेको छ । २०१७ साल साउन १० गते अर्घाखाँचीको सन्धीखर्क नगरपालिका वडा नम्बर १ मा जन्मिएका कुवँर लामो समय कानुनी पेशामा सक्रिय रहे । २०३३ सालमा अर्घाखाँचीकै जनज्योती ब्यवसायीक मावि सन्धीखर्कबाट एसएलसी पास गरेका उनी २०३४ सालमा पिएन क्याम्पसमा कानुन बिषय बिषय पढ्नका लागि भर्ना भए । उनी पिएन क्याम्पसको कानुन बिषयमा पहिलो ब्याच समेत हुन् । २०३४ सालमा काठमाण्डौं हानिएपछि कुवँरले त्रिभुवन विश्वविद्यालयबाट राजनीति शास्त्रमा स्नातकोत्तर कानुनमा एलएलएम पास गरे । नेपालमा पहिलो पटक एलएलएम सुरु हुँदा उनी पहिलो विद्यार्थी थिए । काठमाण्डौंको छाउनीमा बस्दै आएका उनी सिनियर एडभोकेटको रुपमा अहिले पनि कार्यरत छन् ।