४ नम्वर प्रदेशका प्रमुख बाबुराम कुँवरलाइ पोखरामा स्वागत

पोखरा । प्रदेश नम्बर ४ का प्रदेश प्रमुखको जिम्मेवारी सम्हाल्न बाबुराम कुँवर पोखरा पुगेका छन् । प्रदेशसभा सदस्यको शपथको तयारीका लागि प्रदेश प्रमुख कुँवर शनिबार नै पोखरा आइपुगेका हुन् ।
सरकारले गएको बुधबार उनलाई प्रदेश प्रमुखको जिम्मेवारीसहित पोखरालाई प्रदेश नम्बर ४ को अस्थायी राजधानी तोकेको थियो।
प्रदेशसभा सदस्यको आइतबार बिहान शपथ गराउने तयारी छ । प्रमुख कुँवरले आइतबार बिहान ८ बजे प्रदेश प्रमुखको कार्यालयमा औपचारिक रुपमा पदभार ग्रहण गर्ने छन् । त्यस लगत्तै प्रदेशसभा सदस्यलाई शपथ ग्रहण गराउने कार्यक्रम रहेको कास्कीका प्रमुख जिल्ला अधिकारी तारानाथ अधिकारीले जानकारी दिएका छन् ।
प्रदेश प्रमुख कुवँरले प्रदेश सभा सदस्यहरु मध्येका जेष्ठ सदस्यलाई सफथ ग्रहण गराउने छन्। त्यसपछि सपथ ग्रहण गरेका जेष्ठ सदस्यबाट प्रदेशका अन्य सदस्यहरुले सपथ ग्रहण गर्ने गराउने कार्यक्रम रहेकोछ।