आहा रारा गोल्डकपमा आयोजक सहारा हराउदै सुदुर पश्चिम विजयी

पोखरा । आयोजक सहारा क्लबलाई ३—० गोलले हराउदै सुदुर पश्चिम स्पोर्टिङ क्लब धनगढीले आहा रारा गोल्डकपको विजयी शुरुवात गरेको छ । सुदुर पश्चिमले १५ औं सस्करणमा आयोजक सहारासँग ४—० गोलले पराजित भएको बदाला समेत लिएको छ । तेस्रो पटक सहभागि भएको खेलमा सुदुर पश्चिमले गतवर्षको उपविजेतालाई हराएको हो।
सुदुर पश्चिमका खेलाडि धनबहादुर थापाले खेलको २५ औ मिनेटमा गोल गरे । खेलको ७८ औ मिनेटमा मनिराम चौधरीले गोल गर्दै अन्तरलाई दोबर बनाए । खेलको थप समयमा राकेश हमालले गोल गर्दै विजय सुनिश्चित गरे । प्रतियोगितामा आदी दर्जन बढि अवसर पाएपनि सहाराका खेलाडीले गोल गर्न सकेनन् ।
प्रतियोगितामा नेपाल आर्मी, मनाङ मस्र्याङ्दी क्लब, नेपाल पुलिस क्लब, शसस्त्र प्रहरी, थ्रीस्टार क्लब दुई विदेशी टोली बरिन्धरा बंगलादेश र भारतको सिक्किम युनाईटेड, मोफसलका टोली, धरान फुटबल क्लब, झापा ११ र ए डिभिजनको संकटा क्लब गरी १२ टोलीले भाग लिएका छन् । बुधबार भारतको सिक्किम युनाईटेड र धरान फुटबल क्लब बिच प्रतिस्पर्धा हुनेछ ।
प्रतियोगिताको पोखरा लेखनाथ महानगरपालिकाका मेयर मानबहादुर जिसीले उद्घाटन गरेका थिए ।
प्रतियोगिताका विजेताले ७ लाख र उपविजेताले ३ लाख ५१ हजार रुपैयाँ प्राप्त गर्ने छन् । बेष्ट अफ फाईभले नगद सहित ट्रफी, दर्शकले स्कुटर र टिभी पाउने छन् ।
एक रुपैयाँ प्रतिटिकटको संकलित रकम जिल्ला खेलकुद विकास समिति कास्कीलाई प्रदान गर्ने आयोजकले जानकारी दिएको छ । हिमश्री फुड्स प्रालिको मुख्य प्रायोजनमा हुने प्रतियोगितामा दर्शक आकर्षित गर्न प्रवेश टिकटमा भाग्यशाली दर्शकलाई हिरो ड्यास स्कुटर दिइनेछ ।