बंगलादेश पुग्यो आहा राराको सेमिफाईनलमा

पोखरा । १६ औं आहा रारा गोल्डकप फुटबल प्रतियोगितको प्रिक्वाटर फाइनलमा बंगलादेशको उत्तर बरिन्धरा क्लव सेमिफाइनल प्रबेशगरेको छ।
शनिबार पोखरा रंगशालामा भएको पहिलो क्वाटर फाईनल खेलमा सुदुर पश्चिम ११ स्पोर्टिङ क्लवलाई २–१ को गोल अन्तरले पराजित गर्दै उत्तर बरिन्धरा क्लब प्रतियोगिताको सेमिफाईनलमा प्रवेश गरेको हो ।
खेलको ७४औ मिनेटमा उत्तर बरिन्धरा क्लवका सिल्ला सोन्लेमानेको पासमा मिदो मास्साले पहिलो गोल गरेका थिए भने पहिलो गोलको ९ मिनेटको अन्तरमा उत्तर बरिन्धरा क्लबकै सिल्ला सोन्लेमानेले एक गोल थप गरे। दोश्रो हाफको थप समयमा बरिन्धराका सिल्ला सोन्लेमाने र काडे लन्सानेले रातो कार्ड पाएका थिएका थिए ।
खेलमा सुदुर पश्चिमका तर्फबाट ७८ औ मिनेटमा पाएको पेनाल्टीलाई धिरज गुरुङले गोलमा परिणत गर्न सकेनन। सुदुर पश्चिमकै खेलाडी बिनोद केसीले खेलको ८८ औ मिनेटमा १ गोल गरे। सुदुर पश्चिम ११ का प्रशिक्षक सुरेश हमालले खेलाडीले राम्रै खेले पनि गोल गर्न नसकेको बताउदै पाएको अवसरलाई सदुपयोग गर्न नसकेको बताए ।
तेस्रो क्वाटर फाइनल खेल नेपाल सशस्त्र प्रहरी बल र संकटा क्लबको बिजेता टिमसँग उत्तर बरिन्धरा क्लब बंगलादेश सेमिफाईनलमा भिड्नेछ । आईतबार दोश्रो क्वाटर फाईनल खेल त्रिभुवन आर्मी क्लव र धरान फुटबल क्लव बीच हुनेछ ।