मनाङ मस्र्याङ्दीलाई हराउदै पुलिस क्लब सेमिफाइनल प्रबेश

पोखरा । १६ औं आहा रारा गोल्डकप प्रतियोगितामा पाँच पटक लगातार बिजेता बन्दै आएको मनाङ मस्र्याङ्दी क्लबलाई हराउदै नेपाल पुलिस क्लब सेमिफाईनल प्रबेश गरेकोछ।
मनाङ मस्र्याङ्दी क्लबलाई ३–१ गोल अन्तरले हराउदै पुलिसले सेमिफाइनलको यात्रा तय गरेको हो। पुलिस क्लव माघ १८ गते धरान फुटबल क्लब सगँ प्रतिशपर्धा गर्नेछ।
पुलिसको जितमा सुमन लामा, निरकुमार राई र दिनेश राजबंशीले एक÷एक गोल गरे । खेलको ५३ औ मिनेटमा निरकुमार राईले गोल गर्दै पुलिसका लागि गोलको खाता खोलेका थिए । राईले कर्नरबाट प्रहार गरेको बल मनाङका खेलाडीले हेड गर्दै रिवाउड् बललाई डिबक्सबाट प्रहार गर्दै गोल गरेका थिए । त्यसै गरी खेलका ५७ औ मिनेटमा दिनेश राजबंशी गोल गर्दै गोल अन्तर दोब्बर बनाउन सफल भए।
त्यसै गरि खेलको ७२ औ मिनेटमा सुनिल लामा गोल गरे ।
तीन गोल अन्तरले पछि परेको मनाङ मस्र्याङ्दी क्लबले खेलको ८२ औ मिनेटमा एक गोल ग¥यो। विशाल राईले गोल गरेका हुन् । मनाङका टिम क्याप्टेन अनिल गुरुङले डि बक्स भित्र मिलाई दिएको पासलाई राईले हेड गर्दै गोलमा परिणत गरेका थिए ।
मंगलबारको खेलको म्यान अफ दि म्याच नेपाल पुलिस क्लबका सुमन लामा बन्न सफल भए । बुधबारको पहिलो सेमिफाइनल खेल उत्तर बरिन्धरा क्लब बंगलादेश र थ्री स्टार क्लब बीच हुनेछ ।