पोखरामा फागुन १८ गते चार देशको अन्तर्राष्टिय रेष्लर भिड्ने

पोखरा, ४ फागुन । पोखरामा फागुन १८ गतेदेखि अन्तराष्ट्रिय रिङ रेष्लर प्रतियोगिता हुने भएको छ। नेपाल रिङ रेस्लिङ संघको आयोजनामा पोखरा रंगशालामा प्रतियोगिता हुनेछ । खेल गतिबिधिहरु अगाडी बढाएर नयाँ खेलाडी उत्पादन गर्ने र पोखरेलीलाई रेस्लिङको अन्तर्रा्ष्ट्रिय स्तरको खेलको मज्जा दिलाउने उदेस्यले खेलको आयोजना गरिएको आयोजकले जानकारी दिएकोछ।
नेपालमा रेस्लिङ खेलको बढ्दो क्रेज र पोखरामा खेलकुद मार्फत पर्यटन पवद्र्धनका लागि समेत यो प्रतियोगिता आयोजना गर्न लागेको अध्यक्ष थापाले बताइन् । प्रतियोगितामा नेपाल, भारत, रसिया र अमेरिकाका एक दर्जन बढी अन्तर्रा्ष्ट्रिय खेलाडीले प्रतिस्पर्धा गर्नेछन् ।
अध्यक्ष थापाका अनुसार भने अन्तर्राष्ट्रिय रुपमा प्रख्यात अमेरिकाका प्रोरेस्लर गेमर, भारतका मास्क म्यान, ड्यानी, आर डी एक्स, ज्थाक्स र नीलले प्रतिशपर्धा गर्ने छन्।
राष्ट्रिय खेलकुद परिषद मार्फत मान्यता प्राप्त संघले आयोजना गर्न लागेको प्रतियोगितामा नेपालको तर्फवाट नुवाकोटे टाईगर, ठाकु , डेभिड, साईन , ब्लेड, भिलेन, राम, रावण, टुप्पी ग्याङले प्रतिस्पर्धा गर्ने उनले बताईन्।
संघकी महासचिव सुवर्ण श्रेष्ठका अनुसार प्रतियोगितामा रसियाकी मेफिस्तो तथा साथमा नेपाली महिला रेस्लर दिलासाले प्रतिस्पर्धा गर्नेछन् । त्यसैगरि अन्तर्राष्ट्रिय रेस्लिङ प्रतियोगिताका खेलहरु पहिलो महिला रेस्लिङ रेफ्री सुनिता थापा, कुबेर केसी र प्रदिप पाण्डेले संचालन गर्ने छन् ।
प्रतियोगिताको कमेन्टेटरमा नेपालका प्रशिद्घ ¥यापर बुलेटफ्लो थापाकाजी र मिस्टर प्रिन्सको जोडी रहनेछ भने उदघोषण कलाकार कबिता गेलाल शर्माको आवाजले पूर्ण रुपमा दर्शकलाई मनोरन्जन प्रदान गर्ने आयोजकले जनाएको छ ।
पश्चिमाञ्चल क्षेत्रीय खेलकुद विकास समितीका अध्यक्ष खगराज पौडेलले यस प्रकारका प्रतियोगिताले पोखरा नगरलाई खेलकुद नगरीको रुपमा विकास गर्न सहयोग पुग्ने विश्वास व्यक्त गरे ।
डिस मिडिया नेटवर्क लिमिटेडको सहकार्य तथा डबल एस प्रालिको ब्यबस्थापन र पश्चिमाञ्चल क्षेत्रीय खेलकुद विकास समितिको संयोजकत्वमा हुने प्रतियोगितामा प्रवेशका लागि ३ सय ५ सय र १ हजार रुपैयाँको टिकटको व्यवस्था गरिएको छ ।