सातवटै प्रदेशले पाए मुख्यमन्त्री

काठमाडौं . स्थानीय, प्रदेश र प्रतिनिधिसभा चुनाव भएपछि नेपाल औपचारीक रुपमा संघीयतामा प्रवेश गरेको छ र नेपालका सातवटै प्रदेशले मुख्यमन्त्री पनि पाइसकेको छ ।

नेपालको संविधानले नेपाललाई सात वटा प्रदेशमा विभाजन गरेको छ । गाउँगाउँमा सिंहदरवारको अधिकार पुर्‍याउने योजनाका साथ संविधानले स्थानीय, प्रदेश र संघ सरकारको व्यबस्था पनि गरेको छ । संविधानले व्यबस्था गरे अनुसार नेपालमा तीनै तहको सरकार बनिसकेका छन ।

नेपाल औपचारिक रुपमा प्रदेशमा गइसकेपछि अब विकास निर्माणका काम देखि स्थानीय स्रोत साधन प्रयोगको अधिकार पनि त्यही निकायलाई नै हुनेछ । सरकारले नेपालका सातवटा प्रदेशको अस्थायी मुकाम पनि तोकेको छ । जसअनुसार प्रदेश नम्बर १ को राजधानी बिराटनगर, २ को जनकपुर, ३ को हेटौंडा, ४ को पोखरा, ५ को बुटवल, ५ को सुर्खेत र ७ को धनगढी तोकेको छ ।

अस्थायी मुकामसँगै हरेक प्रदेशले अबको पाँच वर्षका लागि मुख्यमन्त्री पनि पाइसकेका छन । जसअनुसार प्रदेश नम्बर १ मा शेरधन राई, २ मा लालबाबु राउत, ३ मा डोरमणि पौडेल, ४ मा पृथ्वीसुब्बा गुरुङ, ५ मा शंकर पोखरेल, ६ मा महेन्द्रबहादुर शाही र ७ मा त्रिलोचन भट्ट मुख्यमन्त्री बनेका छन।