पाँच बर्ष भित्र प्रदेश नं ४ अन्य प्रदेश भन्दा समृद्ध बन्छ ः मुख्यमन्त्री गुरुङ

पोखरा । प्रदेश नंम्वर ४ का मुख्यमन्त्री पृथ्वी सुब्बा गुरुङले अन्य प्रदेशको तुलनामा प्रदेश नं ४ समृद्ध हुने बताएका छन । मुख्यमन्त्री गुरुङले आगामी ५ बर्ष भित्र उर्जा, पर्यटन, कृषी तथा उद्योगको समुचित बिकासगरी प्रदेश नं ४ लाई समृद्ध प्रदेश बनाउने बताएका छन्।
मुख्यमन्त्री गुरुङले नेपाल लोकतान्त्रिक आदिबासी जनजाती महासँघ प्रदेश नं ४ द्धारा पोखरामा आयोजित बधाई तथा सम्मान कार्यक्रममा बोल्दै उक्त कुरा बताएका हुन्।
प्रदेश नं ४ अन्तगत बिभिन्न क्षेत्रमा रहेका प्राकृतिका सम्पदाहरुलाई उपयोगमा ल्याएर प्रदेश बिकास र समृद्धीलाई अगाडी बढाउने बताउदै गुरुङले आगामी २ बर्ष प्रदेशमा भित्र बिकासका पुर्वाधार निर्माणलाई तिव्र पार्ने बताए।
उनले प्रदेशको विकास र समृद्धीका लागि निजी क्षेत्रसँग सहकार्य गरेर अगाडी बढ्ने बताएका छन् । ‘प्रदेश संरचना सबै जिरो ग्राउण्डमा छ । कसैले पनि विगारेको छैन, उनले भने–यसलाई हामीले चाहेजस्तो बनाउन सक्छौं ।’ उनले प्रदेश ४ को समृद्धीको निर्विकल्प आधार कृषि, पर्यटन र जलश्रोत भएको भन्दै खनिज उद्योगलाई पनि जोड्न सकिने बताए ।
प्रदेश नं ४ भन्ने बित्तिकै पोखराको सुन्दरता झल्कने बताउदै गुरुङले सिङ्गो प्रदेशलाई अर्थिक, भौतिक तथा सास्कृतिक रुपमा समृद्ध बनाउनका लागी स्थानिय जनताको समेत साथ, सहयोग र समर्थन आवस्यक रहेको बताए।
नेपालकोे कुल ग्रहस्थ उत्पादनमा प्रदेश नम्वर ४ ले पु¥याएको योगदानलाई मुल्याङकन गर्दा प्रदेश नं ४ बिकास र समृद्धमा अगाडी बढ्ने कुरामा कुनै शंका नरहेको बताउदै गुरुङले प्रदेशमा रहेको जलश्रोत र पर्यटन पूर्वाधारको बिकासगरी पर्यटकिय गन्तब्य तथा जलबिद्युतको हवकोरुपमा बिकास गर्ने बताए।
‘पूर्वाधार बिकासका दृष्टिकोणबाट अहिले सम्म तीन नम्वर प्रदेश अगाडी रहे पनि अब,हामीहरु अगाडी बढ्छौं,यसमा दुईमत छ्रैन’उनले भने। ‘आगामी ५ बर्ष भित्रमा हामी मुलुककै सबै भन्दा समृद्ध प्रदेश बनेरै छाड्छौ।’
मुख्यमन्त्री गुरुङले उत्तर दक्षिण कोरिडोर बनाएर दुई देशको आर्थिक ट्रान्जिटको रुपमा ४ नम्बर प्रदेशलाई प्रयोग गरिने बताएका छन् ।
नेपाल लोकतान्त्रिक आदिबासी जनजाती महासंघ प्रदेश नं ४ को आयोजना भएको बधाई तथा सम्मान कार्यक्रममा प्रदेश नं ४ मा एमालेबाट प्रदेश सभा सदस्यमा निर्बािचत सदस्यलार्ई सम्मान गरिएको थियो। सो अबसरमा मुख्यमन्त्री गुरुङ लगायत प्रदेश सभा सदस्यलाई सम्मान गरिएको थियो।

प्रदेश–४ को सरकार र निजी क्षेत्रबीच सहमति
प्रदेश–४ को सरकार र निजी क्षेत्रबीच आर्थिक विकासका लागि सहकार्य गर्ने सहमति भएको छ ।
सहमति पत्रमा प्रदेश–४ का मुख्यमन्त्री पृथ्वीसुब्बा गुरुङ र नेपाल उद्योग वाणिज्य महासंघकी अध्यक्ष भवानी राणाले हस्ताक्षर गरेका छन् । सहमति अनुसार प्रदेश सरकारले आर्थिक तथा विकास निर्माणका कार्यक्रम सञ्चालन गर्दा महासंघको प्रदेश समितिसँग सहकार्य गर्नेछ ।
त्यस्तै निजी क्षेत्रले आयोजना गर्ने व्यवसायिक प्रवद्र्धनका कार्यक्रममा प्रदेश सरकारले सहयोग गर्ने सहमति पत्रमा उल्लेख गरिएको छ ।
मुख्यमन्त्री गुरुङले प्रदेश–४ को सरकारले लगानी सुरक्षाको पूर्ण प्रत्याभुति दिलाउने प्रतिबद्धता ब्याक्तगरे। महासंघकी अध्यक्ष राणाले स्थानीय तहदेखि प्रदेश र संघीय सरकारले निजी क्षेत्रसँग सहकार्य गरेर आर्थिक समृद्धिका योजना ल्याइने बताइन्। दुईपक्ष बीच भएका प्रतिबद्धतालाई दुवै पक्षले अक्षरस पालना गर्ने जनाएका छन्।