पोखरामा प्रतिबन्धित औषधि बेचेको आरोपमा प्रहरीले अनुसन्धान गर्दै

औषधि विक्रिबितरण गर्न सम्वन्धित कम्पनीको ब्राण्ड र औषधि पसल तथा ब्यवसायी औषधि ब्यवस्था बिभागमा दर्ता भएको हुनुपर्दछ। तर, पोखराका दर्जनौ पुजा सामाग्रीबाट खुलेआम मनलागदो मुल्यमा बिनादर्ताका औषधि बिक्रिवितरण भएको फेलापरेपछि कारवाही प्रक्रिया अगाडि बढेको हो।
प्रहरीका अनुसार प्रतिबन्धित औषधि बेचेको आरोपमा पोखराको सभागृहचोकमा रहेको सपना आयुर्वेद हस्पिटल प्रा.लि.,सरु भट्टराई पूजा सामग्री भण्डार बगर र भट्टराई पूजा सामग्री भण्डार लगायत रहेका छन् ।
नेपालमा प्रतिवन्धित औषधी ल्याएर आफुखुशी मुल्यमा वेच्नेलाई कारवाही प्रक्रिया अघि बढेको जिल्ला प्रहरी कार्यालय कास्कीका प्रमुख एसपी अशोक सिंहले बताए । ‘छानविन प्रक्रिया अगाडि बढाएका छौं उनले भने। ‘आवस्यक अनुशन्धानपछि प्रमाणका आधारमा कारवाही प्रक्रिया अगाडि बढ्छ।’
पोखरामा आयुर्वेदका डाक्टर तथा वैद्यले सिफारिस गर्ने गरेका कारण उनीहरुले अबैध तरिकाबाट सिधै भारतीय बजारबाट खरिदगरी पोखरा ल्याएर बिक्रि गर्दै आएको समाचार ताण्डब साप्ताहिकले सार्वजनिक गरेको थियो।
घुँडा दुख्ने, वाथ, युरिक एसिड भएका, ढाड दुखेका तथा हड्डी दुखेकाले प्रयोग गर्दा तुरुन्त आराम हुन भन्दै बिरामीलाई प्रभावमा पारेर उनीहरुले प्रतिबन्धित ‘चन्दा’ नामक औषधी पसलै पिच्छे फरक,फरक मुल्यमा बिक्रि गरेको तथ्य सार्वजनिक भएपछि प्रहरीले अनुसन्धान थालेको हो।
भारतीय बजारमा करिब ३० देखि ४० रुपैयाँ पर्ने सो औषधि पोखराको बजारमा ३ सय रुपैयाँ सम्म बिक्रि भएको रहस्य खुलेको हो।