कास्की प्रहरीद्धारा मोटरसाईकल र स्कुटर चोरेको आरोपमा १९ पक्राउ

शुभेच्छा न्यूज

पोखरा । जिल्ला प्रहरी कार्यलय कास्कीले पोखराका बिभिन्न स्थानबाट मोटरसाइकल तथा स्कुटर चोरी गरी नम्बर प्लेट परिबर्तन गरेर बेचबिखन गर्ने ठूलो गिरोहलाई पक्राउ गरेको छ । पछिल्लो समय पोखरामा मोटरसाइकल तथा स्कुटर चोरी हुने क्रम बढेको जनगुनासो ब्यापक भएपछि प्रहरीले बाइक तथा स्कुटर चोरीमा संलग्न १९ जनाको समुहको गिरोहलाई नै पक्राउ गरेको हो।
स्कुटर र मोटरसाईकलहरु चोरी गरी सवारी साधनहरुको नम्वर प्लेट एवं स्वरुप परिवर्तन गरि वेचविखन गर्ने गिरोह सक्रिय रहेको भन्ने सूचनाको आधारमा प्रहरीले गण्डकी अञ्चलका बिभिन्न स्थानबाट उनीहरुलाई पक्राउगरेकोहो।
प्रहरीले पत्रकार सम्मेलन गर्नु केही समय अगाडी आजै पोखराको नदीपुर स्थित फ्लिमहलको पार्किङमा मोटरसाइकल चोर्दै गरेको अबस्थामा पक्राउ गरेका २ जनालाई समेत सार्वजनीक गरेको थियो।
प्रहरीका अनुसारा तनहुँको भिमाद गाउँपालिका वडा नं ६ बस्ने दिवस रानाले चोरी गरिएका मोटरसाइकल खरिद गर्ने र वर्कसप संचालक संग मिलेर चोरी गरिएका मोटरसाइकल बेचबिखन गर्ने खुलासा भएको हो ।
घटनामा संलग्न उनीहरुलाई पक्राउ गरिएपछि गिरोहका अन्य संलग्न ब्याक्तिहरुलाई प्रहरीले पक्राउ गर्न सफल भएको हो । प्रहरीले सार्वजनिक गरेका मोटरबाईक तथा स्कुटर चोरीमा संग्लन ब्यक्तिहरुमा क्रमश तनहुँ भिमाद गाउपालिका ६ माझकोटका २२ बर्षीय दिबश राना, भिमाद नगरपालिका बागटारका ४० बर्षिय कृत बहादुर नेपाली, बागटारकै १९ बर्षिय अर्जुन नेपाली, भिमाद ४ पिरुङका २२ बर्षिय सुनिल थापा, पिरुङ ७ को बर्ष १९ को सुरज राना, भिमाद ७ राङरुङको बर्ष २२ को रेशम आले रहेका छन्।
त्यसैगरी स्याङजा हरिनाथ गाउँपालिका ७ चाङसिङका बर्ष २२ को मदन चन्द ठकुरी, पाङमि ७ कोे बर्ष २० को लक्ष्मण परियार,हरिनाश ६ देगाछापका बर्ष २२ को अरुण आले, हरिनाश २ गुरुजाका बर्ष २८ को ओम राना, हरिनाश ४ गिरकोटको बर्ष २० को रेशम आले, हरिनाश ७ चाङसिङका २८ बर्ष डोलराज चन्द्र ठकुरी, ७ चाङसिङकै बर्ष २४ को हिरा सिंह थापा , पोखरा लेखनाथ महानगरपालिका १० रामवजारका बर्ष २० को बिकाश क्षेत्री,रामवजारकै बर्ष १९ को अभिषेक सुनार रहेका छन्। ।
त्यसैगरी नवलपराीको बुङदिकाली गाउपालिका ३ सिउन बस्ने बर्ष २२ को युवराज रुचाल, वारा जिल्ला इनरुवा नगरपालिका २० गोटवडिवाको बर्ष १७ को उचिर चुरिहार, वारा विरगंज गाउँपालिका १ त्रिवेणीको २२ बर्षिय रामबाच दास र भारत मोतिहारि जिल्ला सिक्ताको बर्ष १७ को संम्शाद आलम रहेकाछन्।
गिरोहले चोरी गरेका मोटरसाइकल भीमाद देखी गाउँ तर्फ प्रहरीको पहुँच नपुग्ने स्थानमा बेचबिखन गर्ने गरेको प्रहरी अनुसन्धानको क्रममा खुलेको जिल्ला प्रहरी कार्यलय कास्कीका प्रमुख (एसपी) अशोक सिंहले बताए। ‘पक्राउ परेका ब्याक्तिहरु माथि आवश्यक अनुसन्धान भइरहेको छ’ उनले भने।