आर्थिक विकासका लागि सहकारी अभियानलाई संगै अगाडि बढाउनुपर्छ – मुख्यमन्त्री गुरुङ

पोखरा । प्रदेश नम्वर ४ का मुख्यमन्त्री पृथ्वीसुब्बा गुरुङले मुलुकको आर्थिक विकासका लागि सहकारी अभियानलाई संगै अगाडि बढाउनुपर्ने बताएका छन्। निर्माण तथा समृद्धिको आन्दोलनमा सहकारीलाई जोड्नुपर्ने बताउदै उनले न्याय र समानताको सामाजिक वितरणमा सहकारीलाई सैगै लैजान आग्रह गरे।
मुख्यमन्त्री गुरुङले लक्षहरु प्राप्तिका लागि निजी क्षेत्र र सहकारी मेरुदण्डका रहेको उल्लेख गर्दै सहकारी क्षेत्रले संकलित पुँजीलाई समृद्धिको अभियानमा लगाउन आग्रह गरे।
प्रदेश नं. ४ मा सहकारी क्षेत्रसंग ६५ अर्व पूँजी रहेको उल्लेख गर्दै उनले संकलित पुँजीलाई कृषि क्षेत्रको उत्पादन र ठूला आयोजनाहरुमा लगानी गर्न आग्रह गरे।
मुख्यमन्त्री गुरुङले सेन्ट्रल को–अपरेटिभ प्रेसिडेन्ट सोसाइटी (कोप्स) को आयोजनामा पोखरामा बिहीबारदेखि सुरु भएको ‘को–अपरेटिभ इन्भेष्टमेन्ट समिट’को उद्घाटन गर्दै यस्तो बताएका हुन्।
दुुई दिनसम्म चल्ने सम्मेलनमा लगानीको लागि कोप्स मोडल स्थापित गर्ने, बृहत् लगानीको वातावरण बनाउने, देशलाई उत्पादनमार्फत औद्योगिक क्रान्तिको दिशामा अघि बढाउने, विभिन्न प्रोजेक्ट बैंकबारे छलफल तथा निर्णय लिने उद्देश्यसहित उक्त सम्मेलन सुरु भएको हो ।
मुख्यमन्त्री गुरुङले पर्यटन, कृषि, जलश्रोत र खनिज पदार्थलाई प्रदेशको मुख्य समृद्धिको आधार मानेको बताउदै मुख्यताया पर्यटन, कृषि, जलश्रोतको अधिकतम उपयोग गरेर यस प्रदेशमा समृद्धि हासिल गर्न सकिने दावी गरे। उनले थपे, ‘यसका लागि पूर्वाधारमा बढि जोड दिएका छौं।’
कृषिको आधुनिकीकरण, व्यावसायिकरण र यान्त्रिकीकरण गर्न जरुरी रहेको उनले औंल्याए। ‘त्यसो नगरीकन धान परालेको खेतीबाट मात्र हाम्रो समृद्धि हुन सक्दैन’ उनले भने।
प्रकृति र संस्कृतिको बरदानका रुपमा प्रदेशलाई पाएको उल्लेख गदै उनले नेपालकै पर्यटन हबको रुपमा प्रदेशलाई विकास गर्न सकिने धारणा राखेका थिए। ‘प्रदेशलाई पर्यटनको विकास मार्फत आर्थिक समृद्धि प्राप्त गर्ने हाम्रो लक्ष छ’ गुरुङले भने। ‘प्रदेशभित्र रहेको जलश्रोतलाई आफ्नै बुँतामा विकास गर्न चाहेका हौ।’
प्रदेशमा पाँच बर्षभित्र सबै खेतीयोग्य जमिनमा सिंचाई गर्ने लक्ष रहेको बताउदै खेतीयोग्य जमिनमा सिंचाई नगरी उत्पादन बृद्धि हुन नसक्ने उनको भनाई थियो। प्रदेशभित्रका प्रत्येक घरहरुमा दुई बर्ष्भित्र धाराको पानी पु¥याउने प्रदेश सरकारको लक्ष रहेको उनले बताए।
पाँच बर्ष्भित्र गरिवीलाई घटाएर १० प्रतिशतमा झार्ने लक्ष सरकारको रहेको गुरुङले बताए। प्रदेशको आर्थिक बृद्धिदरलाई पाँच बर्ष्भित्र दश प्रतिशतमा पु¥याउने लक्ष छ,’–मुख्यमन्त्री गुरुङले प्रदेशको महत्वाकाँक्षी योजना सुनाए।