प्रदेश ४ का मुख्यमन्त्री गुरुङ फुटवल खेल्ने

शुभेच्छा न्यूज
पोखरा । प्रदेश नम्वर ४ का मुख्यमन्त्री पृथ्बीसुब्वा गुरुङ फुटबल खेल्ने भएका छन्। शंयुक्त राष्ट्र संघको आयोजनामा खेलकुदका माध्यमद्वारा विश्वमा शान्ती स्थापना गर्ने उदेस्यले अप्रिल ६ का दिन आयोजित कार्यक्रमलाई प्रदेश ४ मा समेत मनाउने भएपछि मुख्यमन्त्री गुरुङ पनि मैदानमा भिड्ने भएका हुन्।
प्रदेश सरकारको कप्तानी सम्हालिरहेका प्रदेश ४ का मुख्य मन्त्री गुरुङ प्रदेश जनप्रतिनीधीहरुको समेत फुटबलमा कप्तानी गर्दै पोखरा रंगशलामा उत्रने भएका हुन ।
मैत्रीपूर्ण प्रतियोगिताको प्रतिद्वन्दीका रुपमा प्रदेशका जनप्रतिनीधीहरुले पूर्व खेलाडीहरुको साझा संस्था भूतपूर्व खेलाडी मंच पाएको छ । जनप्रतिनीधीहरुलाई यो अवसर मंचले नै जुटाएको हो । मंचका अध्यक्ष तेज बहादुर गुरुङले पोखरा रंगशालामा चैत २४ गते शनिबारका दिन प्रदेश जनाप्रतिनीधी र भूतपूर्व खेलाडी मंच नेपालका विच मैत्रीपूर्ण फुटबल आयोजना हुने बताए । यता मंचको तर्फबाट अध्यक्ष तेज गुरुङले कप्तानी सम्हाल्ने मैत्रीपूर्ण फुटबल कार्यक्रमका संयोजक एवम मंचका महासचिव खेम गुरुङले बताए ।

प्रदेशका तर्फबाट प्रदेश सरकारका मन्त्री, प्रदेश सांसदहरुको सहभागिता रहनेछ भने अर्को तर्फ आफ्नो जिवनकालमा खेलकुदका माध्यमद्वारा राष्ट्रको झण्डा माथी उठाउने पूर्व राष्ट्रिय खेलाडीहरुको जमघट रहने छ । शंयुक्त राष्ट्र संघले हरेक वर्ष शान्ति र समृद्धीका लागि अप्रिल ६ लाई अन्तराष्ट्रिय खेलकुद दिवशका रुपमा मनाउँदै आएको छ । यो कार्यक्रम साता व्यापी रुपमा मनाउने गरिन्छ ।

यो कार्यक्रमले प्रदेशको खेलकुद बिकासका लागि समेत महत्वपूर्ण रहने मंचका अध्यक्ष गुरुङले बताए । सरकारलाई नजिकबाट खेलकुद बिकासको बोध गराउन पनि कार्यक्रमले भुमिका खेल्ने उनको कथन छ । नेपाल ओलेम्पिक कमिटीका केन्द्रिय सदस्य समेत रहेका गुरुङले प्रदेशलाई खेलकुद पर्यटनको राजधानीको रुपमा बिकास गर्न सहयोगी समेत हुने बताए । सन २०१९ मा हुने १३ औं दक्षिण एशियाली खेलकुदको लागि पूर्वाधार बिकासलाई गति दिन र साग खेलमा पोखरामा धेरै भन्दा धेरै खेलहरु आयोजना गर्न मैत्रीपूर्ण फुटबल कार्यक्रमले सन्देश दिन सक्ने अध्यक्ष गुरुङले बताए ।