पर्वतमा ७८ बर्षीया बृद्धा बलात्कृत

शुभेच्छा न्यूज
पर्वत । मुख नबोल्ने ७८ बर्षिया अपांग बृद्धालाई बलात्कार गरेको अभियोगमा प्रहरीले २० बर्षी एक युवकलाई पक्राउ गरेकोछ।
पर्वतको मोदी गाउँपालिका वडा नं ३ देउराली गाउँमा घरमा ७८ बर्षिया बृद्धालाई बलात्कार गरेको आरोपमा २० बर्षिय शंकर परियार पक्राउ परेका हुन ।

मोदी गाउँपालिका १ भूक, साबिक भूक गाबिस वडा नं २ घर भई देउरालीमा बस्दै आएका परियारले आफ्नो कोठामा बोलाएर बुधबार दिउँसो ४ बजे बृद्धलाई बलात्कार गरेको प्रहरीले जनाएको छ । घरमा बसेकी अपांग बृद्धलाई आफ्नो कोठमा बोलाएर बलात्कार गरेका थिए । रक्सी सेवन गरेका परियारले कोठामा बोलाएर बलात्कार गरेपछि पिडीतले आफ्नी बुहारीलाई बताएकी थिइन । बुहारी घाँस काट्न गएको र फर्केपछि पिडीतले बताएपछि प्रहरीलाई खबर गरेका थिए ।

प्रहरीले अभियुक्त परियारलाई बिहीबार नै पक्राउ गरि पर्वत जिल्ला अदालतबाट म्याद थप गरेर अनुसन्धान भैरहेको प्रहरी निरीक्षक दिपक थापाले जानकारी दिए । बलात्कार अभियोगमा पक्राउ परेका परियारले आफुँले मदिराको नशाँमा रहेको समयमा बलात्कार गरेको प्रहरी संग स्विकार गरेका छन ।