यातायात व्यवसायी राष्ट्रिय महासंघका महासचिव सरोज सिटौला पक्राउ

काठमाडौं : नेपाल यातायात व्यवसायी महासंघका महासचिव सरोज सिटौला पक्राउ परेका छन्। महानगरीय प्रहरी परिसर काठमाडौंको टोलीले सिटौलालाई पक्राउ गरेको डिएसपी मोहनकुमार थापाले जानकारी दिए। यो सबै यातायात व्यवसायी संघको छाता संगठन हो।गृहमन्त्री रामबहादुर थापाले यातायात अवरुद्ध गर्नेलाई कारबाही गर्ने निर्देशन दिएलगतै प्रहरीले यातायात समितिका पदाधिकारीलाई समात्न सुरु गरेको ह।
प्रहरीले पश्चिम नेपाल बस व्यवसायी संघका महासचिव जीवन बन्जाडे र उपाध्यक्ष पदम गहालाई पक्राउ गरेको जिल्ला प्रहरी कार्यालय रुपन्देहीका एसपी श्याम ज्ञवालीले जानकारी दिए। यातायात बन्द हुँदा लामो/छोटो दुरीका यात्रु मारमा परेका छन्।