पोखरामा फेलापरेको बम सेनाद्धारा डिष्पोज

पोखरा । पोखराको मालेपाटनस्थित विद्युत प्राधिकरण कार्यालयको मुलगेट अगाडी बम फेला परेको छ।रातो झोलामा तार बाहिर निकालेको अवस्थामा बम फेला परेको जिल्ला प्रहरी कार्यलय कास्कीले जानकारी दिएको छ। कपडामा तारले बेरेको अवस्थामा शंकास्पद बस्तुदेखेपछि स्थानीयले प्रहरीलाई खवर गरेको थिए।
विप्लब माओवादीको बन्दको क्रममा फेलापरेको शंकास्पद बमलाई नेपाली सेनाको कालिभञ्ज्याङ्ग गण पोखरा ६ रत्नमन्दिरको टोलीले डिस्पोज गरेको हो ।क्यान वियरको बोतलमा बारुद भरेर तारबाहिर निकालीको अवस्थामा बम राखिएको सेनाले जनाएको छ । बमलाई सेनाले केहीपर खुल्ला स्थनमा लगेर डिस्पोज गरेको थियो।

विप्लव माओवादीले आव्हान गरेको नेपाल बन्दको क्रममा बम राखिएको हुन सक्ने प्रहरीको अनुमान छ । पोखरामा बिप्लव माओवादीको बन्दको प्रभावका कारण लामो दुरीका सवारी साधन चल्न सकेका छैनन् ।