डिआईजीहरुको सरुवा र पदस्थापन, प्रदेश ४ को इन्चार्जमा दानसिंह बोहोरा

शुभेच्छा न्यूज

पोखरा ।गृह मन्त्रालयले डिआईजीहरुको सरुवा तथा पदस्थापन गरेको छ। सरुवाअनुसार महानगरीय प्रहरी कार्यालयमा मनोज नेउपाने तथा प्रहरी एकेडेमीमा पुष्कर कार्कीको सरुवा भएको छ। नेपाउने प्रहरी महानिरीक्षकको सचिवालय तथा कार्की सिआईबीमा कार्यरत थिए।

शुक्रबार बढुवा गरेर फुली लगाएका १६ जना डिआईजीको पनि पदस्थापन भएको छ। सातै प्रदेशमा इन्चार्जका रुपमा डिआईजी पठाइएको छ। सरुवा अनुसार प्रदेश १ मा केदार रिजाल, प्रदेश २ मा दिनेश अमात्य, प्रदेश ३ मा दीपक कुमार थापा, ४ मा दानसिंह बोहोरा, ५ मा शेरबहादुर बस्नेत, ६ मा सुरेशबिक्रम शाह तथा ७ मा शरद चन्दको पदस्थापन भएको छ।
त्यस्तै कार्यविभागमा छविलाल जोशी, मानव स्रोत विकास विभागमा ज्ञानबिक्रम शाह, तथा अपराध अनुसन्धान विभागमा धिरु बस्नेतको सरुवा भएको छ।