लायन्स न्यूरोड चौतारीको क्यालेण्डर बिमोचन तथा सेतो छडि बितरण

शुभेच्छा न्यूज
पोखरा । लायन्स क्लव अफ पोखरा न्यूरोड चौतारीले सेतो छडी वितरण तथा टेवल क्यालेण्डरको बिमोचन गरेको छ। क्लवले आफ्नो बार्षिक योजना अनुसार दृष्टी विहिनहरुलाई १५ वटा सेतो छडी वितरण गर्नुका साथै क्लवले प्रकाशन गरेको टेवल क्यालेण्डरको बिमोचन गरेको हो।
कार्यक्रमका प्रमुख अतिथि एवं लायन्स क्लव अन्तर्राष्ट्रिय ३२५ बी १ नेपालका ट्रेजरर दामु अधिकारीले सेतोछडी वितरण तथा क्यालेण्डरको बिमोचनको गरेका थिए।
कार्यक्रमका प्रमुख अतिथि अधिकारीले क्लवले समाज सेवाका क्षेत्रमा महत्वपूर्ण कार्य गरेको बताए।उनले लायन्स क्लव र लायन्स अन्तर्राष्ट्रियले समाज सेवाका क्षेत्रमा महत्वपूर्ण कार्य गर्दै आएको बताए। ‘हामीले समाज सेवाका क्षेत्रमा धेरै महत्वपूर्ण कार्य गर्दै आएका छौं, तर,लायन्सले गर्ने कार्य र लायन्सको वास्तवीकताका वारेमा समाजलाई बुझाउन सकेनौं’ उनले भने।‘यादाकता समाजमा एनजीओ र आइएनजिओकारुपमा हेर्न थालियो।’
लायन्स क्लव अन्तर्राष्ट्रियले नेपालमा अन्धोपन निवारण, मोतियाविन्दुको र आपतकालिन देविप्रकोप लगायतका दर्जनौ क्षेत्रमा महत्वपूर्ण योगदान गरेको अधिकारीले बताए।
संगित प्रशिक्षण केन्द्र पोखराका प्रमुख विकल घोतानेले दृष्ट्रि विहीनहरुको प्रतिभा र क्षमता बृद्धीकोलागि निशुल्क प्रशिक्षण दिदै आएको बताए।

त्यसैगरी रिजन चियर पर्सन विना गुरुङले क्लवले समाज सेवाका क्षेत्रमा धेरै महत्वपूर्ण कार्य गरेको बताउदै सेतोछडी वितरणले दृष्टि बिहीनहरुलाई यात्रको क्रममा सहजता प्रदन गर्ने बताईन।
जोन चियर पर्सन शारदा शर्माले क्लवले स्वास्थ्य, शिक्षा वातावरण लगायतका समाज सेवाका कार्य गर्दै आएको बताइन्।
कार्यक्रममा क्यालेण्डर प्रकासन समितिका संयोजक एवं इलेक्ट अध्यक्ष धुर्व प्रसाद रेग्मीले स्वागत मन्तब्य राखेका थिए । क्लवका अध्यक्ष नगेन्द्र पोखरेलको अध्यक्षतामा भएको कार्यक्रममा धन्यवाद ज्ञापन क्लवका पूर्व अध्यक्ष नरहरि पौड्यालले गरेका थिए भने कार्यक्रम सञ्चालन क्लवका सचित तुलसी पोखरेलले गरेका थिए।क