पोखरामा ट्याक्सीको ठगी रोकिएन मिटरमा जान नमान्ने २४ ट्याक्सी प्रहरी नियन्त्रणमा

/१० जेष्ठ २०७५, बिहीबार ०३:५१ , प्रकाशीत

पोखरा , ९ जेठ:प्रहरीले मिटरमा जान नमान्ने ट्याक्सीलाई धमाधम कारबाही गरेपनि पोखरा नगर भित्र गुड्ने भाडाका ट्याक्सीले यात्रु ठग्न भने छाडेका छैनन् ।पोखरा नगर क्षेत्रमा संचालित भाडाका मिटर ट्याक्सीले सर्वसाधरण यात्रुसंग भाडामा जान नमानी बार्गेनिङ गर्न नछोडेपछि कारबाहीका लागि कास्की प्रहरीले अभियानै चलाए पनि ट्याक्सी चालकले भने अटेर गर्दै आइरहेका हुन् ।यस्तै बुधबार पनि जिल्ला प्रहरी कार्यालय कास्कीले मिटरमा जान नमानेको आरोपमा २४ वटा ट्याक्सीलाई नियन्त्रणमा लिएको छ ।कास्की प्रहरीले गरेको छड्के चेकिङका क्रममा यात्रुसंग भाडा बार्गेनिङ गर्ने तथा मिटरमा जान नमानेको आरोपमा ती ट्याक्सीलाई नियन्त्रणमा लिइएको हो ।