कास्की प्रहरी प्रमुखको उद्घोष गुण्डागर्दी र लागुऔषधमा शून्य सहनशिलता

कास्कीका प्रहरी प्रमुख प्रहरी उपरिक्षक (एसपी) ओमबहादुर रानाले कास्कीबाट गुण्डाराजको अन्त्य गर्ने अठोट ब्याक्त गरेका छन् । हालसालै सरुवा भई कास्कीको प्रहरी नेतृत्व सम्हाल्न आएका एसपी रानालाई पृथ्वी होटल व्यवसायी समितिले शुक्रबार गरेका स्वागत कार्यक्रममा बोल्दै उनले कास्कीबाट गुण्डाराज र दादागिरी अन्त्य गर्ने बताएका हुन्

अपराधमा शून्य सहनशिलता अप्नाउने बताउँदै उनले भने,‘कास्कीबाट अब गुण्डारज र दादागिरीको अन्त्य हुन्छ, कसैले हप्ता उठाउने, धम्क्याउने, थर्काउने, चन्दा माग्ने वा खाएको बिल नतिर्ने गरेमा प्रहरीलाई जानकारी दिनुस् हामी ठीक पार्छौं ।’ आफू कास्कीमा आएपछि कास्की प्रहरी आक्रामक ढंगले अगाडि बढेको बताउँदै एसपी रानाले शान्ति सुरक्षामा खतरा उत्पन्न भए वा ब्यबसायीक सुरक्षामा समस्या आए आफूलाई सिधै फोन गर्नपनि व्यवसायीहरुलाई आग्रह गरे ।

एसपी रानाले लागू औषध कारोबारी र प्रयोगकर्ताका कारण पोखराको छबि कास्की बाहिर धुमिलिदै गएको भन्दै अब यसको अन्त्यको पनि अन्त्य गर्ने बताए ।