नेकपाका त्यागी नेता खगराज ःजसले पद खोसीदा पनी बधाई दिदै बाहिरिए

शुभेच्छा न्यूज
पोखरा । नेकपा एमाले र माओवादी केन्द्रबीच एकता भएपछि पदवाँडफाँडमा रस्साकस्सी चलिरहेको बेला तत्कालिन नेकपा एमालेका संसदिय दलका मुख्य सचेतक खगराज अधिकारीले आफ्नो पद गुमाउनु परेको छ। उनले सम्हाल्दै आएको मुख्य सचेतकको जिम्मेवारी देब गुरुङले हात पारेका छन्।
सवै नेता पद नपाएर हानथाप गरेको बेला पदच्युत भएका अधिकारी भने प्रफुल्ल भएका छन्। आफ्नो पद गुमेपनि पार्टी एकताले पार्टीमा नयाँ आयम थपेको भन्दै उनले देब गुरुङलाईफेसबुक मार्फत बधाई दिएका छन् ।“नेकपा संसदीयदलको नेता आदरणीय केपी शर्मा ओलीज्यूले मुख्य सचेतकमा माननीय देव प्रसादजीलाइ नियुक्त गर्नु भएकोमा हार्दिक वधाइ ज्ञापन गर्दछु” उनले लेखेका छन् ।
नेकपा भित्र पद र जिम्मेवारीलाई लिएर बिभिन्न विवादका समाचारहरु आइरहंदा अधिकारीले कुनैपनि गुनासो नराखी अध्यक्षको निर्णय प्रति सर्मथन गर्दै यस्तो लेखेका हुन्।
उनको स्टाटसमा थुप्रै कार्यकर्ताहरुले कमेन्ट गर्दै अधिकारीलई त्यागी नेताको रुपमा चित्रित गरेका छन् । त्यसैगरी उनको गृह जिल्ला कास्कीका नेता कार्यकर्ताहरुले नेता अधिकारी बास्तवमै त्यागी र इमान्दार नेता भएको बताएको छन्।

उनको पछिल्लो सदासयताले झन हाइट बढेको कास्कीका एक नेताले बताए। पार्टीले नेता अधिकारीको पद खोसेएपनि तत्कालिन एमालेका उपनेता सुवास नेम्वाङ र सचेतक शान्ता चौधरीलाई भने यथावत नै राखेको छ ।