डा. उपेन्द्र देवकोटाको स्वास्थ्यबारे अस्पतालको विज्ञप्ति – अवस्था गम्भीर

काठमाडौँ : डा. उपेन्द्र देवकोटाबारे सामाजिक सञ्जालहरुमा अप्रिय खबर भाइरल भएपछि उनी उपचाररत न्युरो अस्पताल र परिवारले विज्ञप्ति जारी गरी त्यस्तो खबर सत्य नभएको जनाएको छ।

शुक्रबार रातिदेखि डा. देवकोटाको निधन भएको अबर सामाजिक सञ्जालमा भाइरल भएको थियो। शनिबार बिहान अस्पताल र परिवारका तर्फबाट विज्ञप्ति जारी गरी त्यसको खण्डन गरिएको हो।

अस्पतालले आफ्नो तर्फबाट जारी गरिने आधिकारिक सूचनाबाहेक अन्यमा विश्वास नगर्न पनि अनुरोध गरेको छ। अस्पतालका अनुसार डा. देवकोटाको अवस्था गम्भीर छ र सघन उपचार चलिरहेको छ।

बेलायतमा पाँच महिना लामो उपचारपछि डाक्टर उपेन्द्र देवकोटा आफ्नै अस्पतालमा छन्। अस्पतालले उनको स्वास्थ्यस्थिति स्थिर रहेको बताए पनि उनी आफैले भने धेरै समय नबाच्ने कुरा सार्वजानिक गरिसकेका छन्।

बेलायतको किङ्स कलेज हस्पिटलमा उपचार गराइरहेका उनले बाँकी उपचार आफ्नै अस्पतालमा गराउने इच्छा गरेपछि नेपाल ल्याइएको हो।

उनले आफुलाई ‘वाइल डक्ट’ (पित्त थैली) क्यान्सर देखिएको कुरा सार्वजनिक गरे।

pahilopost