पोखराबाट १ लाख नगद सहित ११ जना जुवाडे पक्राउ

पोखरा /पोखरा लेखनाथ महानगरपालिका वडा नम्बर १२ चापापानी स्थित एक घरमा जुवातास खेल्दै गरेको बेला ११ जनालाई कास्की प्रहरीले पक्राउ गरेको छ ।प्रहरीले राज गुरुङको घरमा जुवा तास खेली खेलाईरहेको छ भन्ने गोप्य सुचनाको आधारमा जिल्ला प्रहरी कार्यालय कास्कीबाट सादा पोसाकमा खटिएको प्रहरी टोलिले तास खेलि खेलाईरहेको अबस्थामा ११ जनालाई पक्राउ गरेको हो ।

उनीहरुको साथबाट ६ बुक तास र नगद १ लाख ६ हजार सहित पक्राउ गरी थप अनुसन्धान गरेको प्रहरीले जनाएको छ ।पक्राउ पर्नेमा पोखरालेखनाथ महानगरपालिका -११ रानिपौवा बस्ने बर्ष ६२ को नेत्र बहादुर गुरुङ,  बर्ष ५५ को लक्ष्मण गुरुङ,  बर्ष ५५ को गगन गुरुङ , पोखरालेखनाथ महानगरपालिका -१२माटेपानि बस्ने बर्ष ६२ को कृष्ण गुरुङ, बर्ष ५२ को राज गुरुङ ( घरधनि ), बर्ष ४८ को लिहित कुमार गुरुङ, बर्ष ५३ का लोक बहादुर गुरुङ, बर्ष ६० का मन बहादुर गुरुङ रहेका छन  ।

त्यसैगरी पोखरा लेखनाथ महानगरपालिका -१३ भद्रकाली बस्ने बर्ष ६५ को तेज बहादुर गुरुङ , बर्ष ६० को रस बहादुर गुरुङ र संगमटोल बस्ने बर्ष ५९ को पिर सिहं गुरुङ रहेका छन ।