प्रदेश ४ को राजधानी पोखरा तोकीयो

शुभेच्छा न्यूज
पोखरा । प्रदेश सभाको बैठकले पोखरालाई प्रदेश ४ को स्थायी राजधानी तोकिएको छ ।सोमवार बसेको बैठकले पोखरालाई सर्विस्वकार्य रुपमा राजधानी तोकिएको हो ।

प्रदेशसभामा सहभागी सांसदमध्ये २ तिहाई बहुमतले राजधानी र नाम तोक्न मिल्ने संबैधानिक ब्यवस्था छ । तर राजधानी तोक्नका लागि प्रतिपक्ष र सत्तापक्ष सबैले समर्थन गरेका छन् ।

प्रदेश सभाका कुल ५९ सांसद मध्ये बैठकमा उपस्थित ५२ सांसदले पोखरालाई राजधानी तोक्ने पक्षमा मत दिएका थिए । सभामा बोल्ने सबै सांसदले पोखरा प्रदेशको राजधानी उपयुक्त भएको भन्दै समर्थन जनाएका थिए ।तर, प्रदेशको नामाकरणमा भने सहमति जुट्न सकेको छैन।

तत्कालिन नेकपा एमाले र माओवादी केन्द्रको पार्टी एकिकरण पछि प्रदेशको नामाकरणको बारेमा आधिकारीक धारण नआएका कारण प्रदेशको नामाकरणमा ढिलाई भईरहेका छ।सांसद विन्दुकुमार थापको संयोजकत्वमा गठीत समितिले पोखरालाई प्रदेशको राजधानी बनाउन प्रश्ताव गरेको थियो ।

संसदमा भोली मंगलवार देखि प्रदेशको नामाकंनका बारेमा छलफल हुने भएको छ । ११ जिल्लामाबाट प्रदेशको नामाकंनका विषय समितिको प्रतिवेदन अनुसार प्रदेशको नाममा पहिलो नम्बर गण्डकी नाम राखिएको छ भने दोस्रोमा तमुवान–मगरात, तेस्रोमा गोरखा र चौथोमा धवलागिरी नामको प्रश्ताव गरेको छ ।