देउवा सरकारले गरेका नियुक्ति बदरसंगै प्रदेश ४ का प्रमुख बाबुराम कुँबर पदमुक्त हुदै

काठमाडौँः । सरकारले पूर्ववर्ती शेरबहादुर देउवा सरकारको पालामा नियुक्त भएका सात प्रदेश प्रमुखको नियुक्ति पनि बदर गरेको छ। बुधबार साँझ बसेको मन्त्रिपरिषद् बैठकले प्रदेश प्रमुखको नियुक्ति पनि बदर गरेको हो। सरकारको निर्णयको कार्यान्वयन अब राष्ट्रपतिबाट हुनुपर्ने संवैधानिक प्रावधान छ।

कानुनमन्त्री शेरबहादुर तामाङले प्रदेश प्रमुखको नियुक्ति बदर भएको बताए। तामाङले भने ‘प्रदेश प्रमुखको नियुक्ति पनि बदर भएको छ। अब नयाँ नियुक्ति हुन्छ।’

भागवन्डा विवादबीच तत्कालीन प्रधानमन्त्री शेरबहादुर देउवा नेतृत्वको सरकारले प्रदेश प्रमुख सिफारिस गरेको थियो। सरकारको सिफारिस अनुसार राष्ट्रपति विद्यादेवी भण्डारीले माघ ३ गते प्रदेश प्रमुख सिफारिस गरेकी थिइन्।सरकारको निर्णय संगै प्रदेश ४ को प्रदेश प्रमुख बाबुराम कुँबर लगायत सातै प्रदेशका प्रमुखहरुको नियुक्ति बदर भएको छ।