रुकुममा बस दुर्घटना, १ को मृत्यु, १६ घाइते

शुभेच्छा न्यूज
पोखरा ।रुकुम पश्चिमको मुसिकोट नगरपालिकाको सल्लेबाट खलङातर्फ आउँदै गरेको बस दुर्घटना हुँदा १ जनाको मृत्यु भएको छ। ना. ५ ख. ६५१० नम्बरको बस सल्लेको मुलखोलामा दुर्घटनामा हुँदा अन्य १६ जना घाइते भएका छन्।

घटनास्थलमा मृत्यु हुनेमा मुसिकोट नगरपालिका १ की २५ बर्षिया सपना मल्ल भण्डारी रहेको जिल्ला प्रहरी कार्यालय पश्चिम रुकुमले जनाएको छ।

घाईते हुनेहरुमा रुकुमकै दुई वर्षीय जेनिष ओली, ७ वर्षीया मृता ओली, ८ वर्षीया नविना थापा, चन्द्र विक, देवी केसी, विष्णु बुढाथोकी, मञ्जु भण्डारी, झरना थापा, विष्णु खड्का, दिपिका बुढाथोकी, कमला चन्द रहेको प्रहरीले जनाएको छ।