पर्वतको थापाठानामा एनआइसी एसियाको बैकिङ्ग सेवा

शुभेच्छा न्यूज

पर्वत/ पर्वत जिल्लामा विगत दुई बर्ष देखि सदरमुकाम कुश्माबजारबाट आफ्नो सेवा विस्तार गर्दै आएको एन आइसी एसिया बैंकले पर्वतको फलेवास नगरपालिका २ थापाठानामा शाखा रहित बैंकिङ्ग सेवा विस्तार गरेको छ ।

शुक्रबार एक औपचारिक कार्यक्रमको आयोजना गरी थापाठानामा शाखा रहित सेवा विस्तार गरेको हो । जिल्लामा नै पहिलोपटक बैंकले आफ्नो शाखा रहित सेवा विस्तार गरेको बैंकका शाखा प्रबन्धक विजय चापागाईले जानकारी दिए ।

उक्त शाखा रहित बैंकिङ्ग सेवाको सुभारम्भ गर्दै पर्वत उद्योग बाणिज्य संघ पर्वतका अध्यक्ष केदारनाथ शर्माले बैंकले सदरमुकामबाट टाढा रहेका व्यावसायी तथा आम सर्वसाधारणका लागि लक्षित गर्दै सेवा विस्तार गरेको प्रशंसा गर्दै बैंकले प्रदान गरेको सेवा सुविधा भरपुर उपयोग गर्न सर्वसाधारणलाई आग्रह गरेका थिए ।