पोखरा महानगरलाई सार्वजनिक सम्पदा र बरपिपल नढाल्न उच्च अदालतको अन्तरिम आदेश

शुभेच्छा न्यूज
पोखरा । पोखरा महानगरपालिकाले बिकासका नाममा नगरक्षेत्र भित्र सडक किनारामा रहेका चौतारी रुख र अन्य सार्वजनिक सम्पदाहरु भत्काउन थालेपछि त्यस विरुद्ध परेको रिटमा उच्च अदालत पोखराले उन्तरिम आदेश जारी गरेको छ।

महानगरपालिकाले धमाधम चौतारी भत्काउने,रुखहरु ढाल्ने र अन्य सार्वजनिक संरचना हटाउन थालेपछि नागरिक समाज र संरक्षणकर्मीले चासो देखाउदै उच्च अदालत पोखरामा अन्तरिम आदेश जारी गरी रोक्नमाग गरेका थिए।

जथाभावी पर्यावरण नै खतरामा पार्ने गरी भएका यस्ता फडानी रोक्न उच्च अदालतले निबेदकको माग अनुसार अन्तरिम आदेश दिएको छ ।राष्ट्रिय सम्पदा तथा जनअधिकार संरक्षण समितिले दिएको रिटमाथी सुनुवाई गर्दै उच्च अदालतले कुनैपनि चौतारी नमास्न अन्तरिम आदेश दिएको हो ।

समितिका तर्फबाट रामबहादुर पौडेलले रिट दिएका थिए । पोखरा महानगरले पछिल्लो समय बजार क्षेत्रका चौतारीहरु धमाधम ढालिरहेको छ ।