पोखरामा काँग्रेसको बिरोध प्रदर्शन

शुभेच्छा न्यूज
पोखरा । केपी ओली नेतृत्वको सरकार सर्वसत्तावादको बाटोमा हिँडेको भन्दै कांग्रेसले आज पोखरामा विरोध प्रदर्शन गरेको छ । नेपाली काँग्रस केन्द्रीय समितिको देश ब्यापी बिरोध प्रदर्शन गर्न गरेको निर्देशन अनुसार ¥याली सहित बिरोध प्रदर्शन गरिएको हो।

लोकतान्त्रिक पक्षको रक्षा, प्रधानमन्त्री केपी शर्मा ओलीको अधिनायकवाद शैलीको विरोध र महंगी नियन्त्रणका एजेण्डा सहित कांग्रेस सडकमा उत्रीएको हो ।

पोखराको मुख्य बजार पृथ्बिचोकमा नेता तथा कार्यकर्ता भेला भई ¥याली सभागृह चोक देखि न्यूरोड हुँदै विपिचोकमा पुुगेर कोण सभामा परिणत भएको थियो ।

कोणसभालाई सम्बोधन गर्दै नेपाली काँग्रेस कास्कीका अध्यक्ष कृष्ण केसीले केपी ओलीको अधिनायवादी सर्वसत्तावाद बिरुद्ध काँग्रेस आन्दोलन गर्न बाध्य भएको बताए। दुइतिहाई बहुमतको आडमा कम्युनिस्ट सरकारले अधिनायक वादी दम्भ देखाए काँग्रेसले सडक र सदनबाटै ठेगान लगाउने चेतावनी दिए।

सभामा बोल्ने अन्य बक्ताहरुले सरकारको कार्यशैली, महंगी, बढ्दो अराजकता,भ्रष्टचार र नेपाली चेलीहरुलाई अपमानित गर्ने दुर्गा प्रसाई लाई तत्कालै कारवाहीको माग गरेका छन।

विरोध प्रदर्शन कार्यक्रममा तरुण दल, नेविसंघ लगायत सम्बद्ध भातृ संघहरुको उपस्थिती रहेको थियो ।