गाईगोरु मार्नेलाई कानुन लगाएको विरोधमा सिंहदरवार अगाडि एक युवाद्धारा नग्न प्रदर्शन

शुभेच्छा न्यूज
पोखरा । एक युवकले सिंहदरवार अगाडि शुक्रबार नग्न भएर प्रदर्शन गरेका छन् । नयाँ मुलुकी ऐनको विरोधमा सडकमा नांगै हिँडेका उनलाई प्रहरीले पक्राउ गरेको छ ।

सिंहदरबार दक्षिण गेट अगाडि जितिन लिम्बुले नयाँ मुलुकी ऐन र गाईलाई राष्ट्रिय जनावर घोषण गरीएकोमा आपत्ती जनाउदै त्यो निर्णणलाई बदर गर्न माग गर्दै प्रदर्शन गरेका हुन् ।

जनावर सबै एक हुन्, कानून सबैलाई लागू गर, नयाँ मुलुकी ऐन संशोधन गर, राष्ट्रिय जनावर बदली गर’ लेखिएको प्लेकार्डले आफ्नो यौनाङ्ग छापेका थिए ।

उनले तस्करी, बलात्कारी, घुसखोरीलाई कानुन लगाउनुको साटो गाई, गोरु मार्नेलाई कानुन लगाएकाले सरकारको विरोधमा सिंहदरबारमा धर्ना दिन आफूले नग्न प्रर्दशन गरेको प्रतिक्रिया दिएका छन् ।

सिंहदरवारको दक्षिण गेट नजिकै प्रदर्शन गरेका लिम्बुलाई प्रहरीले केही समयमा नियन्त्रणमा लिएको थियो ।

सार्वजनिक स्थानमा अश्लिलता प्रदर्शन गरेकाले उनलाई पक्राउ गरिएको महानगरीय प्रहरी वृत्त, सिंहदरबारले जनाएको छ ।