पोखरामा घर फोडेर ११ तोला सुन चोरी

शुभेच्छा न्यूज
पोखरा ।पोखराको बागमारामा दुईवटा छुट्टाछुट्टै घरबाट अन्दाजी ११ तोला बराबरको सुनका गरगहना चोरी भएको छ ।

पोखरा महानगरपालिका वडा नं ३० गाईगौडा बस्ने मेघ बहादुर रानामगरको घरको ताला फोरेर ५ तोला बराबरको दराजमा रहेको गरगहना चोरी लगेको प्रहरी उपरीक्षक नवराज भट्टले जानकारी दिनुभयो । घरमा कोही पनि नभएको मौका पारेर चोरेर ताला फोडेको हो ।

यस्तै सोही वडा भगवती चौताराका महेन्द्रराज अधिकारीको घरबाट पनि नगद रु तीन हजार सहित अन्दाजी ६ तोला बराबरको सुनका गरगहना चोरी भएको छ ।

चोरले १ तले घरको च्यानलगेट फोडेर दराजमा रहेको नगद रु तीन हजार सहित सुनका गरगहना चोरेर लगेका हुन् ।

घटनाका बारेमा प्रहरीले अनुसन्धान भइरहेको जनाएको छ । पछिल्लो समय पोखरा सहित आसपासका स्थानमा चोरीका घटनामा बृद्दि भएको छ ।