रोल्पामा चल्यो गोली, तरुण दलका अध्यक्षको मृत्यु

शुभेच्छा न्यूज
रोल्पा । सुलीचौरमा भर्खरै खुलेको रेष्टप्वाइन्ट रेष्टुरेन्टमा गोली चल्दा एक युवकको मृत्यु भएको छ ।आइतबार साँझ रोल्पा नगरपालिका –२ सिमलबाङका २९ वर्षीय रोहित पुनको मृत्यु भएको प्रहरीले जनाएको छ ।

मृतक लिवाङ नगरसमितिका नेपाल तरुण दलका अध्यक्ष हुन् ।रेष्टुरेन्टमा गोली चल्दा पुनको देब्रे छातीमा लागेको थियो । घटना लगतै उनलाई स्वास्थ्य केन्द्र लैजादै गर्दा उनको बाटैमा मृत्यु भइसकेको थियो ।

गोली चलाएको आरोपमा रोल्पा नगरपालिका –१० धबाङका देववहादुर घर्तीलाई प्रहरीले नियन्त्रणमा लिएको छ । उनको साथबाट एकथान कटुवा पेस्टोल बरामद भएको छ ।