मुख्यमन्त्रीहरुले आयोजना गरेको पाखरा भेला प्रति प्रधानमन्त्री असन्तुष्ट,भेट्ने समयनै दिएन् मुख्यमन्त्रीलाई

शुभेच्छा न्यूज
पोखरा । संघिय सरकारले प्रदेश सरकारलाई अधिकारबाट बन्चित गरेको भन्दै पहिलो पोखरा भेलाको आयोजना गरेका मुख्यमन्त्री संग प्रधानमन्त्री केपी ओली कुरुद्ध भएका छन्।

प्रधानमन्त्री बिरुद्ध अधिकाराको लागि भन्दै मर्चाबन्त्री गरेका मुख्यमन्त्री हरुको भेलापछि प्रम ओलीले कुरुद्ध बनेको र उनीहरुलाई भेट्ने समय समेत नदिएको बुझिएको छ।
देश संघीयतामा गएपछि पहिलोपटक प्रधानमन्त्रीको अध्यक्षतामा सबै प्रदेशका मुख्यमन्त्री सम्मिलित बैठक आह्वान भएको थियो। संविधानको धारा २३४ ले नै व्यवस्था गरेको अन्तरप्रदेश परिषद्को बैठक प्रधानमन्त्रीले आइतबारका लागि आह्वान गरेका थिए।

केन्द्रसँगका असन्तुष्टिबारे समान धारणा बनाउन मुख्यमन्त्रीहरू गत बिहीबार पोखरामा भेला भएका थिए। प्रदेशका अधिकार पनि केन्द्रले मुठ्ठीमा राखेको भन्दै उनीहरूले संघीयता प्रारम्भमै संकटमा पर्न लागेको भन्दै चिन्ता व्यक्त गरेका थिए। खासगरी साझा कानुन बनाउन केन्द्रले ढिलासुस्ती गरेको मात्र होइन, कर्मचारी समायोजनमा समेत बेवास्ता गरेको उनीहरूको गुनासो थियो।

वित्तीय रुपमा पनि केन्द्रले सम्पूर्ण रुपमा निर्भर गराउने नीति लिएको भन्दै उनीहरूले सबै असन्तुष्टि लिखित रूपमा प्रधानमन्त्रीसँगको बैठकमा राख्ने निर्णय पनि गरेका थिए । तर, उनीहरू पोखराबाट काठमाडौं आइपुग्दानपुग्दै प्रधानमन्त्रीले सूचना दिए, ‘बैठक स्थगित।’ प्रधानमन्त्रीका प्रेस सल्लाहकार कुन्दन अर्यालले थप तयारीका लागि बैठक स्थगित गरिएको बताए।

तर, बैठक तयारीको जिम्मेवारी लिएका सचिव लक्ष्मणप्रसाद मैनालीले भने ‘तयारी सबै पुगेको थियो, तर मन्त्रिपरिषद्ले नैै बैठक स्थगित गर्‍यो, कारण मलाई थाहा हुँदैन।’ पोखरा भेलाको सन्देशले रुष्ट भएका प्रधानमन्त्रीले मुख्यमन्त्रीहरूबाट लिखित एजेन्डा आउँदै छ भन्ने जानकारी पाएपछि बैठक स्थगित गरेको समाचार नयाँ पत्रिका दैनिकमा छ।

बैठक स्थगित भएपछि मुख्यमन्त्रीहरूले प्रधानमन्त्रीसँग अनौपचारिक भेट गर्न खोजेका छन्। भेट मिलाउने जिम्मेवारी प्रदेश ५ का मुख्यमन्त्री शंकर पोखरेलले पाएका छन्। तर, तीन दिनदेखि खटिए पनि उनले भेट मिलाउन सकेका छैनन्।