राप्रपाले उद्योग बाणिज्य संघको चुनावमा लोकतान्त्रित गठबन्धनलाई सहयोग गर्ने निर्णय

शुभेच्छा न्यूज
पोखरा । राप्रपा कास्कीको नियमित बैठकले आसन्न पोखरा उद्योग बाणिज्य संघको चुनावमा लोकतान्त्रिक गठबन्धनलाई सहयोग गर्ने निर्णय गरेको छ। पोखरा उद्योग बाणिज्य संघका सम्पूर्ण राप्रपा समर्थित उद्येगि ब्यपारीहरुलाई लोकतान्त्रिक गठबन्धनलाई सघाउन आग्रह गरेको छ।

बैठकले पार्टी संचालनका लागि तथा कार्यकर्ताहरुलाई सहकारी मार्फत विभिन्न आर्थिक कृयाकलापहरुमा सहभागी गराउनको लागि एक सहकारी स्थापना गर्ने निर्णय गरेको छ । बैठकले असिल कुमार शाहीको संयोजकत्वमा पछि सदस्यहरु नियुक्त गर्ने गरी सहकारी स्थापनाको लागि आवश्यक पहल गर्ने उपसमिति समेत निर्माण गरेको छ ।

राप्रपा कास्कीले आउँदो असोज ७ गते आयोजना गरेको वृहत पार्टी सुदृढीकरण कार्यक्रममा अनिवार्य रुपमा सहभागी भइदिनु हुन सम्पूर्ण कार्यकर्ता, शुभेच्छुक तथा आम हिन्दुप्रेमी जनसमुदायहरुलाई आग्रह गरेको छ ।