आगामी छ महीनाभित्र गौतमबुद्ध विमानस्थल सञ्चालनमा : मन्त्री अधिकारी

शुृभेच्छा न्यूज सम्वाददाता
पोखरा / संस्कृति, पर्यटन तथा नागरिक उड्डयनमन्त्री रवीन्द्र अधिकारीले राष्ट्रको समृद्धिका लागि एकाकार बन्नुपर्ने बताएका छन्। नेपाल कम्यूनिष्ट पार्टी ९नेकपा० कास्की निर्वाचन क्षेत्र २ ले आयोजना गरेको कार्यक्रममा संघीयताको मर्मअनुसार तीनवटै तहका कानून निर्माणमा वर्तमान सरकार लागि परेको बताए।

उनले जनताले प्रत्यक्ष अनुभूति गर्ने किसिमबाट काम अघि बढाउन लागिएको उल्लेख गरे। नेपाल वायुसेवा निगमलाई अन्तर्राष्ट्रियस्तरमा नै प्रतिष्पर्धा गर्ने सक्ने किसिमको बनाउन सरकार लागि परेको उल्लेख गर्दै उनले यस बीचमा अन्तर्राष्ट्रिय विमानस्थल २४सैँ घण्टा सञ्चालनमा ल्याई सकिएको बताए।

तोकिएकै समयभन्दा अघि पोखरा क्षेत्रीय अन्तर्राष्ट्रिय विमानस्थल सञ्चालनमा आउने बताउँदै मन्त्री अधिकारीले गौतमबुद्ध विमानस्थल आगामी छ महीनाभित्रमा सञ्चालनमा आउने जानकारी दिए।

दिगो विकासले लोकप्रियता हासिल गर्ने लक्ष्य रहेको बताउँदै उनले यस बीचमा १५० कानून, ३०० संशोधनका साथै प्रदेश र स्थानीय तहलाई बलियो बनाउनेतर्फ सरकार उन्मुख बनेको उल्लेख गरे।