पतिले बलात्कार गरेको भन्दै पत्नीले दिइन् उजुरी

शुभेच्छा न्यूज संम्वादाता

पोखरा। कञ्चनपुरमा एक महिलाले आफ्नै पतिविरुद्ध जबरजस्ती करणी मुद्दा दर्ता गराएकी छन् । सोमबार भीमदत्त नगरपालिका–२ भाँसीकी मञ्जु जोशीले पति डम्बर जोशीविरुद्व मुद्दा दर्ता गराएकी प्रहरीले जनाएको छ ।

‘पतिले आफ्नो इच्छाविपरित यौनसम्पर्क राखेको भन्दै महिलाले मुद्दा दिएकी छन्,’ कञ्चनपुरका प्रहरी प्रवक्ता डीएसपी कृष्णराज ओझाले भने, ‘सोमबार नै जबरजस्ती करणी अन्र्तगत मुद्दा दर्ता गरिएको छ ।’

प्रहरीका अनुसार उनीहरुको बिहे डेढ वर्षअघि भएको थियो । मुद्दा दर्ता भएपछि सोमबार नै प्रहरीले महिलाका पतिलाई पक्राउ गरेको छ । उनलाई अनुसन्धानका लागि अदालतबाट ५ दिनको म्याद थपेर कारबाही अघि बढाइएको डीएसपी ओझाले जानकारी दिए ।