पोखरामा बिक्राल बन्दै डेंगु, भेटिए ६९ संक्रमित

शुृभेच्छा न्यूज संम्वाददाता

पोखरा । पोखरामा लामखुट्टेको टोकाइबाट सर्ने डेंगु रोगका संक्रमितहरु बढेका छन्। असोजको पहिलो साता २ जनाबाट फैलिएको डेंगु अहिले ६९ जनामा पुगेको छ।

पोखरा महानगरपालिकाका स्वास्थ्य महाशाखाले पनि ६९ जनामा डेंगु भेटिएको र डेंगु संक्रमित मध्ये २२ जनाको पोखरामै उपचार गराइरहेको महानगर स्वास्थ्य महाशाखाका हेमन्त शर्मा पौडेलले जानकारी दिए। बाँकी बिरामीको भने राजधानीको विभिन्न अस्पतालमा उपचार भइरहेको छ।

‘असोज पहिलो हप्तादेखि देखिएका विरामीहरु घट्दो छैनन्,’ पौडेलले भने ‘चाडवाडको समय भयो। तराईबाट, विशेष गरी भारतबाट मानिसहरु आउजाउ गरेको कारणले यो बढेको हो। अस्पतालमा आउनेहरुको ¥यापिड टेस्ट गर्दा उनीहरुलाई डेंगुको संक्रमण भएको भेटिएको हो। संख्या बढेको छ अब सबै जना थप सचेत हुनुपर्छ।’

काठमाडौँमा टेस्ट गरिएको तीनजनालाई भने डेंगुका कडाखालको संक्रमण भेटिएको पुष्टि भएको छ। ज्वोरो आउने, शरिरका विभिन्न हाडका जोर्नीहरु दुख्ने, रिंगाटा लाग्ने, टाउको दुख्ने, आँखा दायाँबायाँ चलाउँदा दुख्ने, शरिरमा रगत जमेको जस्तो देखिने डेंगुको लक्षणहरु हुन्।