पोखरा प्रिमियर लिगमा बुटवललाई जितका लागि १४१ रनको लक्ष्य

शुृभेच्छा न्यूज संम्वाददाता 

पोखरा । पोखरामा जारी सवार्धिक पुरस्कार राशीको पोखरा प्रिमियर लिग (पीपीएल) टी-२० क्रिकेट अन्तर्गत विराटनगर टाइटन्सले जितका लागि बुटवल ब्लास्टरलाई १ सय ४१ रनको लक्ष्य सुम्पेको छ । टस जितेर पहिले ब्याटिङ गर्ने निर्णय गरेको विराटनगरले निर्धारित २० ओभरमा सात विकेट गुमाउँदै १ सय ४० रन बनाएको हो ।

सन्दिप लामिछानेको कप्तानीमा रहेको विराटनगरका लागि मुहमद जाइद अलीले अर्धसतकिय पारी खेले । ४५ बल खेलेका अलीले छ चौका र पाँच छक्काको मद्दतले ७२ जोडे । त्यस्तै प्रदिप ऐरीले ४१ रन जोडे । उनले ४३ बल खेल्दै तीन चौका प्रहार गरे  भने अन्य ब्याट्सम्यानले भने दोहोर अंक छुन सकेन् ।

बुटवलका लागि ललित सिंह भण्डारी दुई विकेट लिए । त्यस्तै बिपिन कार्की, साम्सद सेइख र सागर पुनले समान एक एक विकेट लिए । बुटवलले अब केही बेरमा जवाफी ब्याटिङ गर्ने छ ।

विराटनगर प्रतियोगितामा जित बिहिन छ । तीन खेल खेली सकेको विराटनगर प्रतियोगितामा जिवित रहन जित्नै पर्ने दबाबमा छ । यो खेल विराटनगरले गुमाउन पुगे प्रतियोगिताबाट बाहिरिने सम्भावना प्रवल हुनेछ । यता दुई खेल खेलेको बुटवल भने दुबै खेलमा जित निकाल्दै शिर्ष स्थानमा छ ।