पाेखराविरुद्द काठमाडाैं राेयल्सकाे कमजाेर प्रदर्शन

शुभेच्छा न्यूज संम्वाददाता

पोखरा प्रिमियर लिग क्रिकेट पीपीएलको समूह चरणको अन्तिम खेलमा काठमाडौं रोयल्सले पोखरा पल्टनलाई १०४ रनको लक्ष्य दिएको छ।अहिलेसम्म ३ खेल जितेको काठमाडौं ६ अंक सहित शीर्ष स्थानमा रहेकाले आजको खेलमा विजयी भए सिधै फाइनलमा स्थान बनाउने छ।

लिगको अन्तिम खेलमा काठमाडौंले राम्रो प्रदर्शन भने गर्न सकेन। काठमाडौं १९.१ ओभरमा सबै विकेट गुमाउँदै १०३ रन बनाएको थियो। काठमाडौंका कप्तान ज्ञानेन्द्र मल्लले सर्वाधिक ३१ रन बनाउँदा अमित श्रेष्ठले २१ तथा पवन शराफले १२ रन जोडे।

सुरुदेखिनै दबाबमा आएको काठमाडौंका लागि अन्य ब्याट्सम्यानले दोहोरो अंकमा रन बनाउन नसक्दा यसअघि उत्कृष्ट प्रदर्शन गरेका गौरभ तोमर र जयकृष्ण कोलसावलले रनको खातानै खोल्न सकेनन्।

अन्तिममा बसन्त रेग्मीले १२ बलमा १९ रन जोडे पछि काठमाडौंको स्कोर १ सय कटेको थियो। पोखरा पल्टनका लागि ललितनारायण राजबंशीले ३ तथा मोहम्मद नाभिद र रासिद खानले २–२ विकेट लिए।