पीपीएल : उपाधिका लागि पोखरा र चितवन भिड्ने

शुृभेच्छा न्यूज संम्वाददाता
पोखरा । पोखरामा जारी सर्वाधिक पुरस्कार राशीको पोखरा प्रिमियर लिग (पीपीएल) टी-२० क्रिकेटको उपाधिका लागि फाइनल खेलमा चितवन राइनोज र पोखरा पल्टन भिड्ने भएका छन् ।

पारस खड्काको कप्तानीकमा रहेको चितवनले प्ले अफमा ज्ञानेन्द्र मल्लको काठमाडौं रोयल्सलाई पराजित गर्दै पोखरासँगको भेट पक्का गरेको हो । चितवनले काठमाडौंलाई ६ विकेटले पराजित गर्दै फाइनल प्रवेश गरेको हो ।

पोखरा रंगशालामा टस जितेर पहिले ब्याटिङ गरेको काठमाडौंले दिएको ९५ रनको लक्ष्य चितवनले १८.२ ओभरमा मात्र ४ विकेट गुमाउदै उक्त लक्ष्य भेट्टाएको हो । चितवनका लागि स्मित पटेलले ३८ रन जोडे ।

त्यस्तै हरिशंकर साहले २६, आरिफ सेखले २० रन बनाए । काठमाडौंका सुसन भारीले तीन विकेट लिए पनि टोलीलार्इ जित दिलाउन सकेनन् । सुसनले चार ओभर गर्दै १८ रन खर्चे र तीन विकेट लिँदा पवन सराफले एक विकेट लिएका थिए ।

यसअघि काठमाडौंका लागि कप्तान ज्ञानेन्द्र मल्लले ३० रन बनाए । उनले ३५ बल खेल्दै दुई चौका प्रहार गर्दै ३० रन जोडेका हुन् । त्यस्तै जयकिसन कोल्सावालाले २५ रन जोडे । उनले २७ बल खेल्दै दुई चौका चारहार गरेर २५ रन जोडेका थिए ।

खराब सुरुवात गरेको काठमाडौंले टिमको ३० रन पुग्दा सुरुवाती चार विकेट गुमाउन पुगेको थियो । त्यसपछि मैदान आएका कप्तान ज्ञानेन्द्रसँग सहकार्य गर्दै कोल्सावालाले पारी उकास्ने प्रयास गरे पनि उनी १२.४ ओभरमा टिमको ६८ रन हुँदा आउट हुन पुग्ये । अन्य ब्याटसम्यानले भने चितवनका खेलाडीविरुद्ध खुलेर खेल्न सकेनन् ।