माओवादी द्धन्दको चक्रब्यूँहमा परेको परिवार जो सधैें चाडवाडमा रोएरै बिताउँछ

एनएच पौडेल
गुल्मी । कार्तिक लागेपछि नै सबैका आँगन सयपत्रि मखमलीले रँगिदै छन,घरआँगन वरिपरि तिहार आउनु तीन महिना अगाडीबाटै रंगी बिरंगि फुलहरु रोपेर हराभरा र उमंगित पारिएको छ तर रुरु गाउँपालिका १ च्युृरेकका भोजराज ज्ञवालीको घरमा भने सधैको विनारौनक नै तिहार वित्ने गरेको छ।

२०६० सालको तिहारको अघिल्लो दिन नवलपरासीको सुनवलमा मारिएका भोजराजको मृत्युको तिथी श्राद्द तिहारको अघिल्लो दिन पर्दछ र त्यो कहालिलाग्दो दिनको सम्झनाले तिहार आएको कुनै महत्त्व राख्दैन ।

फेरि यो पटकको तिहार आएको छ लक्ष्मी पुजाको दिन एकछाकी र गोवर्धन पुजाको दिन श्राद्द। पत्रकार समेत रहेका भोजराज ज्ञवालीका छोरा कृष्ण अन्जान ज्ञवाली यतिबेला द्वन्द मा मारिएका आफ्ना बाबुको श्राद्द गर्न आफ्नो पुर्ख्यौलि घर गुल्मी पुगेका छन ।

समयले १५ बर्ष काट्दै छ तर द्वन्दमा मारिएका भोजराजका परिवारलाइ तिहारले त्यहि पुरानो सम्झनाका झझल्को ल्याउने मात्र होइन बलिन्द्र धारा आँसु बगाउने दिन बनेर अउँछ पत्रकार कृष्ण अन्जान भन्छन ।

हाम्रो परिवारले साँचो अर्थमा कुनै चाड पर्व मनाएको छैन भाइ बहिनि सानै छँदा बाबालाई तत्कालीन बिद्रोहि माओवादिले गोली हाने त्यो रक्त रन्जित अवस्था देखेको हाम्रो परिवार चाड पर्वमा झस्किन्छ ।

मृतक भोजराज ज्ञवाली सामान्य नागरिकको रुपमा नवलपरासीको सुनवलमा चिया पकाएर गुजारा चलाउँथे । भारतको आसाममा करिब ३२ वर्ष जागिरे जीवन बिताएका उनले परिवारको पालन पोषणका लागि नवलपरासीको सुनवलमा चिया पसल खोले तर उनको सपना नेपाल फर्कको डेढ वर्षमै तोडियो ।

छोरा कृष्ण अन्जान ज्ञवालीका अनुसार २०६० सालको तिहारको अघिल्लो दिन विहान करिब छ बजे नवलपरासीको सुनवल प्रहरी चौकि अगाडि पसलमै उनलाई माओबादीको गोलि लाग्यो उनिसँगै अर्का एक सर्वसाधारण र सात जना प्रहरी मारिए यसलाई क्रसफाएर भनेर घटना मोड्ने प्रयास भयो तर त्यहाँ प्रहरीले गोली चलाएको थिएन अन्जान भन्छन ।

समयले नेटो काटेको छ पन्ध्र बर्ष एउटा इतिहास हो तर घाउ आलै छ । भारतको आसाममा वस्दा अखिल भारत प्रवासि नेपाली सँध एमालेलो भातृ सँगठनमा लागेका उनि एमाले समर्थक त थिए तर नेता भने थिएनन ।

परिवारमा दुई धर्मपत्नि रहेका ज्ञवालीकी जेठो श्रीमति यमकला ज्ञवाली गुल्मीको थोर्गामा दुखजिलो जीवन जिउँदै छन भने कान्छी सीता ज्ञवाली सुनवलमै भोजराजकै पुरानै पेशा चिया पकाएर जीवन धान्दै छन। छोरीहरुको विवाह भइसक्यो छोराहरुले जिबिका चलाउँदै छन ।

भोजराजका जेठा छोरा पोखरामा पत्रकारिता गर्दछन ।यो परिवारलाई राज्यले केहि हेर्दैन गुल्मीमा रहेको घर जिर्ण छ सुनवलमा एउटा घडेरी छ तर घर बनाएर वस्न सकेको छैन यो परिवार ।

राज्यले द्दन्दका नाममा हुनेखानेलाइ हेर्यो तर हामीलाई हेरेन भोजराजकि जेठी धर्मपत्नि यमकलाले भनिन । आफुले दिएको मतले धेरै जन प्रतिनिधि मन्त्री र सांसद बनेको तर फर्केर कसैले नहेरेको उनले बताइन ।