गुण्डागर्दीलाई निस्तेज पार्न कास्की प्रहरीलाई आइजीपी खनालको निर्देशन

शुृभेच्छा न्यूज संम्वाददाता
पोखरा/ प्रहरी महानिरीक्षक सर्वेन्द्र खनालले विकासको बाधक गुडागर्दीलाई निस्तेज पार्न र यहाँको शान्ति सुरक्षा अमन चयन कायम गर्न कास्की प्रहरी संयन्त्रलाई निर्देशन दिए ।

जिल्ला प्रहरी कार्यालय कास्कीद्वारा मंगलबार आयोजित समुदायमा प्रहरी साझेदारीसम्बन्धी अन्तक्रिया एवं शुभकामना आदानप्रदान कार्यक्रममा बोल्दै आइजीपी खनालले हाल सुसुप्त रुपमा रहेको गुण्डागर्दीले टाउको उठाउनासाथ उसलाई तह लगाउन आइजीपी खनाल दिएका छन्। यहाँको गुण्डागर्दीलाई तह लगाउन आइजीपी खनालले कास्की प्रहरीलाई निर्देशन दिए।

जहाँ गुण्डागर्दीको तँछाड र मछाडको स्थिति हुन्छ, त्यहाँ विकास निर्माणका कामहरुले गति लिन पाउँदैन । राम्रा मान्छेलाई राम्रो भनिदिन कुनै नातागोता चाहिदैन । उसलाई करेक्सन गराउनका लागि पनि ठेगान लगाउनै पर्छउनले भने। अपराधिक कृयाकलापमा संलग्न बृद्धबृद्धाहरुलाई भन्दापनि थप अपराधिक मनस्थिति बोकेका जमातप्रति सतर्क र अरेशन चलाउनुस खनालले भने।

प्रहरी र जनताबीचको सम्बन्धलाई अझ प्रगाढ बनाउनु पर्ने बताउदै समुदाय–प्रहरी साझेदारी कार्यक्रम’ समाजको अवधारणा अनुसार ल्याएको बताए। उनले जहाँ सुरक्षित वातावरण हुन्छ, त्यहाँ विकास असव्यंभावी छ । सुरक्षित वातावरणसँगै विकासका बाटो खुला हुन्छ । विकास र सुरक्षाको अवधारणालाई सँगसँगै लैजानका लागि पनि यस्तो कार्यक्रम ल्याइए।

कसैका लाभहानीमा प्रहरी लाग्ने होइन,समुदाय र नागरिकको बीचमा प्रहरी पुग्नुपर्छ । समुदाय र नागरिकले प्रहरीलाई हाम्रै हो भन्ने छाप स्वयं प्रहरीले बसाल्न सक्यो भने मुलुकलाई समृद्ध बनाउन लामो समय कुर्नुपर्दैन खनालले भने।