विश्व रेडियोग्राफी दिवसको अवसरमा बिरामीलाई फलपुल वितरण

शुृभेच्छा न्यूज संम्वाददाता
पोखरा। १२३ औं विश्व रेडियोग्राफि दिवस तथा सातौं अन्तर्रा्ष्ट्रिय रेडियोलोजी दिवसको अवरसमा पोखरामा “रेडियोग्राफरका गुणहरु सटिकता एवं सहानुभूति“ भन्ने मुल नाराका साथ विभिन्न कार्यक्रमको आयोजनागरि मनाइएको छ।

नेपाल रेडियोलोजीकल सोसाइटी गण्डकी प्रदेश समितिले आयोजनामा पोखरा स्वास्थ्य विज्ञान प्रतिष्ठानमा अन्तरङ्ग विभागमा भर्ना भएका वृद्ध वृद्दाहरुलाई फलफूल वितरण गरि मनाएको सोसाइटीका गण्डकी प्रदेश संयोजक उदयकान्त तिवारी जानकारी दिए। संयोजक तिवारीका अनुसार पोखरामा संगठित भएका रेडियोलाजीमा आवद्ध स्वास्थ्य कर्मीहरुको सहभागितामा सो कार्यक्रमको आयोजना गरिएको हो।

पश्चिमाञ्चल क्षेत्रीय अस्पतालका निर्देशक डाक्टर अर्जुन आचार्यको प्रमुख आतिथ्यतामा सप्पन्न सो कार्यक्रममा सोसाइटीका केन्द्रिय कोषाध्यक्ष डाक्टर श्याम पराजुली,ं मनिपाल शिक्षण अस्पतालका वरिष्ठ रेडियोलोजिष्ट डाक्टर प्रकाश शर्माको विशेष उपस्थिति रहेको थियो।

जर्मनीका विश्व प्रसिद्ध भौतिकशास्त्री विलियम कोन्रड रोएनजेन्टले ८ नोवेम्बर १८९५ मा एक्स रे विकिरण पत्ता लगाएको दिनको सम्झनामा हरेक वर्ष नोभेम्बर ८ तारिखलाई विश्व रेडियोग्राफि दिवश तथा अन्तर्रा्ष्ट्रिय रेडियोलोजी दिवशको रुपमा मनाउने गरिन्छ।
्