पाँच वर्षमा मुलुकले मुहार फेर्ने पर्यटन मन्त्री अधिकारी दाबी

शुभेच्छा न्यूज संम्वाददाता
बलेवा । संस्कृति, पर्यटन तथा नागरिक उड्डयनमन्त्री रवीन्द्र अधिकारीले नेपाल कम्युनिष्ट पार्टी (नेकपा)ले निर्वाचनका बेला गरेका प्रतिबद्धता पूरा गर्ने चरणमा रहेको बताएका छन् ।

बागलुङको बडिगाड गाउँपालिकामा आजदेखि शुरु भएको प्रथम बडिगाड महोत्सव तथा न्वागी मेला २०७५ को उदघाटन गर्दै उनले विगतका सरकार सञ्चालकले सरकार सञ्चालनमा बनाइएका खाल्डा पुर्दै जाँदा जनताका बीचमा गरेका प्रतिबद्धताअनुरुप काम गर्न समय लागेको बताए ।

देशमा सङ्घीय गणतन्त्रको स्थापनासँगै समृद्धिको ढोका खुलेको भन्दै मन्त्री अधिकारीले विगतका सरकारले जस्तो छ महिना वा नौ महिनामा परिणाम देखाउने नभई दीर्घकालीन परिणाम देखाउने गरी वर्तमान सरकारले काम गरिरहेको दाबी गरे ।

आर्थिक वृद्धिदर ९ प्रतिशत र पर्यटकको सङ्ख्यामा ३०।५० प्रतिशतले वृद्धि गरेको भन्दै अधिकारीले अबको पाँच वर्षमा मुलुकले मुहार फेर्ने दाबी गरे ।