मोबाइल चोरेको आरोपमा युवालाई कपाल मुण्डन गरी जुत्ताको माला

शुभेच्छा न्यूज संम्वाददाता
वीरगंज / मोबाइल चोरी गरेको अभियोगमा गाउँमै पक्राउ परेको युवकलाई पर्सामा सामाजिक दण्ड अन्तर्गत कपाल मुण्डन गरी दुर्व्यवहार गरिएको छ। मोबाइल चोरी गरेको अभियोग लागेका उनलाई गाउँकै भद्रभलद्मी तथा पञ्चहरूले यस्तो दुर्व्यवहार गरेका हुन्।

महादेवपट्टिस्थित पिपराटोलका १७ वर्षीय युवक विक्रम महतोलाई पञ्चायतको निर्णयबाट कपाल मुण्डन गरी जुत्ताको माला लगाइएको प्रहरीमा मौखिक उजुरी परेपछि निर्णय गर्ने पञ्चहरुको खोजी कार्य भइरहेको पर्साका प्रहरी उपरीक्षक रेवती ढकालले जानकारी दिए।

युवकले मणिलाल साहको घरबाट मोबाइल चोरी गरेको अभियोग प्रमाणित भएपछि उनीविरुद्ध बसेको पञ्चायतले यस्तो निर्णय गरेको थियो। गाउँका १० जनाभन्दा बढी व्यक्तिहरु यस्तो कार्यमा संलग्न रहेको पीडित युवक पक्षले बताएको छ।