पोखरा बिमानस्थल मर्मतका लागि आधामहिना दैनिक १५ घण्टा बन्द हुने

शुभेच्छा न्यूज संम्वाददाता
पोखरा । पोखरा बिमानस्थलको धावन मार्ग मर्मतका लागि आइतबार देखि दैनिक १५ घण्टा बन्द हुने भएको छ । दैनिक बढ्दो उडानको चापका कारण जिर्ण बन्दै गएको धावन मार्ग चर्किने र गिटिहरु उप्किन सुरु भएपछि मर्मत गर्न लागिएको हो ।

दिउँसो ३ बजे देखि बिहान ६ बजेसम्म विमानस्थल मर्मतका लागि बन्द गरिएको पोखरा विमानस्थलका निर्देशक भोला प्रसाद गुरागाईले जानकारी दिए । उनले कालोपत्र गरिएको सबै ठाँउमा सल्ली सिल्क र सिमेन्ट मिसाएको झोल लेपन गर्ने बताए ।

प्राधिकरणको योजनाअनुसार १५ दिनमा सबै काम सकिने र धावन मार्ग भन्दा बाहिरको बाटो पिच गर्ने काम भने १ महिना सम्म चल्नेछ