कास्की खेलकुदका अध्यक्ष याम गुरुङ सवारी दुर्घटनामा

शुभेच्छा न्यूज संम्वाददाता
पोखरा । । कास्की जिल्ला खेलकुद विकास समितिका अध्यक्ष याम बहादुर गुरूङ ठूलाे दुर्घटनाबाट जाेगिएका छन् । नेपाल भलिबल संघका वरिष्ठ उपाध्यक्ष समेत रहेका गुरुङ आइतबार पाल्पामा दुर्घटनामा परेका हुन् ।

अध्यक्ष गुरुङ आइतबार बिहान आफन्तलाई भेटन पोखराबाट तानसेन हिंडेका थिए । तान्सेन जाने क्रममा उनी स्थानीय डुम्रे भन्ने स्थानमा आफूले चलाएको बा १८ च १०९४ नं को कारमा दुर्घटना परेका हुन् । उक्त स्थानमा विपरित दिशाबाट आएको मोटरसाइकललाई जोगाउन खोज्दा कार रुखमा ठोक्किएर दुर्घटनामा परेको अध्यक्ष गुरुङले बताए ।

अहिले थप उपचारका लागि बुटबल स्थित लुम्बिनी अस्पतालमा भएरहेको छ। उनको छातिमा चोट लागेको भएपनी खतरा मुक्त रहेको चिकित्सकलाई उद्धित गर्दे गुरुङले बताएका छन्। ।

उनीसंगै रहेका दुई जना भाईहरु दिपक र दुर्गा गुरुङको पनि उपचार भइरहेको छ।

-पाेखरा स्पाेर्टस्बाट ।