कास्कीको माछापुच्छ्रे भराभरिमा २५ मेगावाटकको सेति जलविधुत बन्ने

शुभेच्छा न्युज संवाददाता
कास्की जिल्लाको माछापुच्छ्रे गाउंपालिका वडानं २ भराभरि भन्ने ठाउंमा २५ मेगावाटको सेति नदि जल विधुत आयोजना वन्ने भएको छ ।करिव ५ अर्वको लगानीमा हजार भन्दा वढि लगानी कर्ताको सामुहिक लगानीमा शिक्षा स्वास्थ तथा उर्जा लगाएकतका क्षेत्रमा काम गरिरहेको भिजन लुम्विीनीको पहलमा उक्त आयोजना वन्न लागेको संस्थाका अध्यक्ष जगत पोख्रेलले जानकारी दिए ।

आगामी तिन वर्षमा सम्पन्न गर्ने लक्ष राखिएको आयोजनामा अधिकतम सहभागिता गराइने पोख्रेलले वताए ।बुटवल र रुपन्देहीवासीकै नमुना प्रोजेक्ट मानिएको २५ मेगावाट क्षमताको सेती नदी जलविद्युत् आयोजनाको विद्युत खरिद सम्झौता केहीदिन अगाडि सम्पन्न भएको छ।

‘जलश्रोतको अपार भण्डार, प्राकृतिक सम्पदाको मुहानसहित पर्यटकीय सौन्दर्यताले भरपूर नेपाल गरीब छैन,’ अध्यक्ष पोखरेलले अघि भने, ‘हामी धनी बनाएर सबैलाई आर्थिक समृद्धिसंग जोड्न चाहन्छौं ।’

नमूना आयोजनाका रुपमा अघि बढाउंदै निश्चित समयभित्रै सम्पन्न गर्ने कार्ययोजना र अनावश्यक हुने खर्चको कटौती र नियन्त्रण गर्दै कमिशनलाई निरुत्साहित गर्ने पोखरेलले प्रतिबद्धता जनाए ।नेपालको पानी जनताको लगानी भन्ने अभिप्राय राखेर आयोजना तत्तकालै निर्माण आरम्भ गरिने छ । आयोजनाको मंसिर ६ गते नेपाल विद्युत् प्राधिकरण र भिजन लुम्बिनी ऊर्जा कम्पनीबीच विद्युत् खरीद सम्झौता समेत भैसकेको छ ।

नेपाल विद्युत प्राधिकरणको विद्युत व्यापार महाशाखामा भएको सम्झौता अनुसार आयोजनाबाट उत्पादित विद्युत् बर्षायामको ६ महिना प्रतियुनिट चार रुपैयाँ ८० पैसा र हिउँदको ६ महिना मा प्रतियुनिट आठ रुपैया ४० पैसामा प्राधिकरणले खरिद गर्नेछ ।

गाउँपालिकाका अध्यक्ष र उक्त वडाका अध्यक्षको समेत उपस्थिति रहेको कुरा सचिवालयबाट जानकारी गराइएको थियो । आयोजनामा स्थानीयवासीलाईसमेत शेयर दिइने प्रवर्द्धक कम्पनीका प्राबिधिक इन्चार्ज रतनलाल अग्रवालले बताए ।

आयोजनाको ३० प्रतिशत स्वपुँजी रहने र ७० प्रतिशत बैंक तथा वित्तीय संस्थाका तर्फबाट ऋण लिइनेछ। स्वपुँजीमा बुटवल, काठमाडौँ, चितवन र कास्कीका लगानीकर्तालाई समेत सहभागी गराइने ऊर्जा कम्पनीले जनाएको छ ।

यसअघि आषाढ महिनामा ग्रिड कनेक्सन सम्झौता र साउन १७ गते पोखराको माछापुच्छ्रे गाउँपालिकासंग आयोजनाको १४ बुँदे सहमति भैसकेको छ ।