पोखरा म्याराथनको सहयोगार्थ यूकेमा आयोजित च्यारिटी मार्फत १५ लाख संकलन

शुभेच्छा न्यूज संम्वाददाता
पोखरा ।भूतपूर्ब खेलाडी मंच नेपालको आयोजनामा पोखरामा हुने म्याराथनका लागि यूकेमा च्यारिटी डिनर कार्यक्रम मार्फत १५ लाख भन्दा वढी रकम संकलन भएको छ ।
पोखरेली मंचले यूकेमा म्याराथन सफल बनाउन र खेलकुद मार्फत पोखरामा पर्यटन प्रवद्र्धन गर्न च्यारिटी डिनर कार्यक्रमको आयोजना गरेको थियो । पोखरेली मंच यूके म्याराथनका लागि अन्तर्राष्ट्रिय पार्टनर समेत रहेको छ ।

फागुन ७ गते आयोजना हुने “१३ औं सफल अन्तर्राष्ट्रिय पोखरा म्याराथन”का लागि बेलायत स्थित नेपाली संघ संस्था र शुभेच्छुकहरुले खुलेर सहयोग सहयोग गरेका छन्।
भूपू खेलाडी मंचका अध्यक्ष तेज गुरुङले बेलायतमा रहेका नेपालीहरुले पोखराको खेलकुद र सामाजिक बिकासका लागि देखाएको सहयोगको जती प्रंशसा गरे पनि कमनै हुने बताए। ।

यूकेमा सम्पन्न च्यारिटी डिनरमा एनआरएनए युके र केन्द्रीय पदाधिकारी, तमुधिं युके, सहारा युके लगायत संघसंस्था र शुभेच्छुकहरुले सहयोग गरेका थिए ।

डिनर च्यारिटीमा करिब ३ सय जना भन्दा बढीको सहभागिता रहेको थियो । बेलायतवासी नेपालीले मातृभूमिका लागि आफ्नो क्षमता अनुसार आर्थिक सहयोग गर्दै आएका छन् ।

एनआरएनए युके पूर्व अध्यक्ष सूर्य गुरुङको संयोजकत्वमा पोखरा रंगशालाको पर्खाल निर्माणमा पनि बेलायतबाट ५० लाख रुपैयाँ पठाइएको थियो ।